انتوا تدرون انه الدراسات نسبيه
و انه الموضوع نسبي
بس بنفس الوقت مفيده و تنطينا فكره شون نتغير نحو الاحسن
جمعت من عده بحوث منشوره حول شنو علامات ان الطفل ذكي راح يطلع
١. الولاده
من الوزن
كلما الوزن اكبر كلما الطفل اذكى
اكيد يستثنى من ذلك اطفال الامهات اللي عدهم سكري
و السبب انه اذكى لان معناها نموه داخل الرحم و تغذيته كانت زينه
و هذه وجدوها بدراسه شملت ٣٠٠٠ طفل شافوا ان اللي وزنهم اكثر شويه اذكى من يكبرون
٢. من عمر سنه الى ٢ :
كلما يتعرض الى لغات اثنين او اكثر كلما يكون اذكى
لذلك لا تخافين على طفلك من التعرض للغتين
٣. عمر ٣ سنوات
طول اكثر يعني ذكاء اكثر
بس بهذا العمر قبل المدارس و اكيد السبب ما معروف ليش
بس هذا اللي نوجد باحد الدراسات
٤. يعرف يرسم شخص بعمر ٤ سنين !!!
هذا وجدوه بدراسه شملت ١٥ الف رسم
و شافت انه اللي عدهم فن اقوى عدهم ذكاء اعلى
٥. يكذب بصوره مبكره 😆😆😆
دراسه كنديه ممتعه تكول اللي يكذب مبكرا يكون اذكى
و اكيد بسبب ان الكذب يحتاج الى مستوى تفكير اعلى و بالتالي ذكاء اكثر
هذه ابدا مو دعوه لتعليم الطفل على الكذب ولكن دراسه حبيت اشاركها وياكم
٦. عمر ٦ سنين
يلعب باداه موسيقيه
دراسه سووها بجامعه فيرمونت سووا اشعه مقطعيه ل ٢٣٢ طفل من عمر ٦ الى ١٨ سنه
شافوا انه اللي عدهم لعبه موسيقيه كان عدهم القدره اكثر على التعامل مع العاطفه او المشاكل
٧. يقرا اكثر بعمر ٧ سنين
كلما يقرا اكثر كلما اذكى اكثر
حسب دراستين من ادنبره و الملكيه البريطانيه و اكيد هذه النقطه ما تحتاج توضيح
٨. بعمر ٨ سنوات يحب يتاخر بالليل بهذا العمر و شافوا انه راح يكون رجل ليل من يكبر يعني يحب يسهر و يحب يكعد متاخر
٩. ياكل فطور صحي بعمر ٩ سنين
دراسه ممتعه تكول انه كلما كان الريوك احسن كلما كان معدل الذكاء اكثر حسب دراسه من جامعه كارديف
١٠. بعمر ١٠ سنين مبدعين بالحديث و كلش الواحد يستمتع بالحديث معاهم
.
.
هامش صغير
و لا وحده من الدراسات كالت انه اللي يعرف للتلفون او ينزل برامج ع التلفون راح يصير اذكى بل العكس الدراسات تؤكد ان الطفل راح يكون معزول اكثر و عنده مشاكل نفسيه اكثر
د. سيف سمير البياتي
اخصائي طب الأطفال
