اليوم احجيلكم عن أكثر موضوع اهتم بيه
و احسه ما ماخذ حصته من العلاج الصحيح و الوقايه الصحيه
هو موضوع تحسس القصبات و الربو
راح انطيكم
10 خطوات لتقليل التحسس ربما لم تسمع عنها مسبقا
و هاشتاك #تحسس_القصبات
هو اللي راح يربط هذه البوستات
بس قبل ما ابدي بال ١٠ نقاط
أتعجب كل العجب من ام طفلها عنده تحسس و تدري بيه تحسس و ملبسته ياخه بيها فرو او ملبسته ملابس من الصوف !!!!
و من اعاتبها تكول دكتور بس بالطلعه
امي ليش هو التحسس يعرف بيت و طلعه مثلا ؟
المهم
خلي احجيلكم فد ١٠ نقاط
١. اهم و أكثر شي يسوي تحسس قصبات هو مخلوق صغير اسمه
Dust mite
اللي هو عث الغبار
هذا كائن حي يعيش بالأماكن الرطبه المظلمه و اهم شي تسويه انه تبعد طفلك عنه
راح اكمل النقاط اللي بعده الكيفيه
٢. كل فراش ينام عليه طفلك خلي يكون تحته طبقه عازله نايلون مثلا
بحيث ما يستنشق الغبار
٣. كل الملاعيب و الاقمشه و الملابس الغير ضروريه اخزنها باكياس مضاده للغبار و مسدوده و محكمه الغلق
٤. وساده الطفل من المهم أن تكون مغطاه بقماش من الألياف الصناعيه
و اللي يكون ما يتكسر بسهوله و قوي بحيث ما تكدر تعبر من داخل الوساده إلى الطفل المواد اللي ممكن تسبب تحسس للطفل
٥. تجنب دائما البطانيات اللي بيها وبر و فرو و شعر
٦. اغسل البطانيات و الوسادات و اغطيه الفراشات كل اسبوعين بالماء الحار و بعد غسلهن جففهن بالمجفف حتى لا يبقى بيهن غبار المنزل
٧. حاولي تاخرين فرش الارضيات قدر الإمكان و اذا فرشتي قللي المساحه المفروشه أكثر و أكثر
استخدمي المكنسه الكهربائيه مرتين إلى ٣ مرات أسبوعيا
٨. اغلقي ابواب الخزانات و الكنتور اللي تحوي الملابس
لا تخلين اي قطعه ملابس خارج الكنتور
٩. حاول قدر الإمكان انه تصبغ البيت بصبغ ممكن ينغسل حتى تكدر تغسل البيت و لا تعلق على الحائط اي لوحه فنيه ممكن تجمع غبار
١٠. آخر نصيحه اليوم خلي باب الغرفه مغلق قدر الإمكان
و حاول تخلي طفلك بغرفه منفصله
.
.
هذه ١٠ نقاط عن موضوع التحسس
اذا عجبكم الموضوع
علقوا
حتى استمر
د. سيف سمير البياتي
اخصائي طب الأطفال
