حدثتني ام عراقيه عن مدى اعتزازها بالصفحة
كالت تدري كنت اعتبر نفسي ام مثاليه و ماكو مني
بس لما شفت صفحتك ببوست تحجي بيه عن اضرار النستاكورت
و اني ( تقصد نفسها ) كنت انصح الامهات بيه و امدح بروحي لان ابني ما يصير بيه طفح حفاظات
تكمل الام كلامها و تكول انت غيرت مفاهيم الامومه كشفتلنا الكثير من اخطاؤنا
الكلمات حلوه كانت
و تحسسني باهميه اللي كاعد اسويه
لو تدرون شكد صعب الكه وقت حتى اكتبلكم
و حتى احدث معلوماتي و معلوماتكم
بالاخير اني اكتب الكم من القلب حتى يوصل للقلب
رغم التعب مستمر وياكم
ما اعرف ليش دا اكتب هذا البوست
بس كلش كلش متعب و حبيت انطيكم و انطي نفسي طاقه ايجابيه شويه
د. سيف سمير البياتي
اخصائي طب الاطفال
