يا جماعة تره هي مو سباق !!!! و لا مسابقة من يمشي اولا !!!!
تريدن الطفل يكعد بعمر شهر و يمشي بعمر ٦ اشهر وين صايره هاي !!!
جايات يدكن بالولد جرع فيتامين دي كومه
ابر شرب
شراب كالسيون
بدون حساب للجرعة و العمر
تدرين شكد بيها فيتامين دي الابره؟ !!!
الابره بيها ٦٠٠.٠٠٠ وحده دولية !!!
و اللي ننطيها للطفل يومية هي ٤٠٠ وحدة دولية
جيتي و صدمتي للطفل بساع بساع شصاير
ثم لا تنسين لكل عمر و اله جرعتة
و ماكو شي اسمه اذا ما يفيد فما يضر
لا يضر و يضر و يضر
لا اللي يمشي ب ٩ اشهر نابغة
و لا اللي يمشي ب ١٨ شهر متاخر
الاثنين طبيعين
و صباحكم خير
