كم معلومه عن لقاح التدرن
لقاح التدرن يعطى في مراكزنا الصحية باول ايام بعد الولادة
لقاح التدرن مهم و مهم جدا لانه يحمي من التدرن بنسبه ٥٠%
و يحمي من التدرن اللي يصير بالسحايا بنسبة ٨٠ %
لسة استذكر اطفال اثنين كان عدهم تدرن سحائي و تعالجوا بشق الانفس مع مضاعفات كبيره و السبب انه الاب ما كان عنده وقت ياخذهم للقاح
المهم اللقاح يبدي ككتلة صغيرة وراها يصير بيه تقرح صغير وراها ياخذ اسابيع الى اشهر لما يترك ندبة صغيرة
اللقاح ما يحتاج الى عناية خاصه فقط يترك لوحده
و حتى يبدي يظهر يحتاج من ٨ الى ١٢ اسبوع
السؤال الازلي بخصوص الموضوع
ابني لقحته و ما ظهرت الندبة يحتاج اعيد اللقاح؟
الجواب هو لا ما يحتاج حسب موقع الصحه البريطاني لان هم يلقحون مثلنا
د. سيف سمير البياتي
اخصائي طب الاطفال
رابط موقع الصحه البريطاني بالتعليقات
