لو سألنا آباء و امهات لاول مره عن طفلهم اللي عمره ايام عن انه ابنهم منشول لو لا؟
متاكد ٧٠ بالميه راح يجاوبون اي نعم منشول
و لو نفسهم تسالهم اذا الافرازات تطلع من الأنف فراح يكون الجواب لا
النشله مو صوت ال خخخخخخخخخخ
النشله إفرازات تصير بالانف و تنزل
لازم نفرق بين ذني الاثنين
صوت ال خخخخخخخ او انسداد الأنف هي شغله طبيعيه جدا جدا جدا
و الها اسباب متعدده
حبيت اذكرها الكم
١. انت تدرين ابنك من كان ببطنك كان دا يسبح بسائل و من يطلع من هذا السائل اكيد باقي منه بانفه فيصير هذا الصوت
٢. الأطفال إلى عمر شهرين ما ياخذون نفس منتظم نفسهم يصعد و ينزل طبيعيا و من يصعد النفس راح يصير قوي و بالتالي يصير هذا الصوت
٣. الارتجاع اللي هو طبيعي جدا يصير بأول ايام بعد الولاده إلى حد ٦ اشهر
جزء من هذا الحليب راح يدخل للانف و بالتالي يصير هذا الصوت
٤. إفرازات انفيه مثلهم مثلنا الكبار حتى يحافظ على رطوبه المجاري التنفسيه
و بخشم صغير و قطره الداخلي نص قطر انفك
اشو بالله سد منخريك للنص 🤗
اي نعم هذا احساسه
٥. الأطفال كلش صغار حتى يذبون الافرازات او يكحوها او ينظفون انفهم
٦. الأطفال ما يعرفون يتنفسون بفمهم فقط بانفهم
و لهذا تشوفون ضيق بسيط
.
.
اخيرا شنو نسوي دكتور
اذا ع الصوت بسيطه هاهيه لا تخافين ما تحتاج شي
اذا عنده صعوبه بالرضاعه قطرات ملحيه كلش كافيه و موجوده بالصيدليه أو عادي بطل مغذي مالح و تاخذين منه قطرتين و تخليها بانفه قبل الرضعه
اكيد ماكو اي مانع انه تراجعين طبيب
و لا تنسون المشاركه من الصفحه او نسخ الرابط في اي مكان و في الكروبات
غير مسموح أبدا بإعاده كتابته للبوست باسماؤكم فقط
.
.
اخيرا
#ابنك_مو_منشول
#ابنك_انفه_مسدود
د. سيف سمير البياتي
اخصائي طب الأطفال
