جمعتكم مباركه كاعد توكلين طفلك الاكلات المختلفه و انت باديه من عمر مبكر بال ٤ اشهر و حسب شروط معينه منزلها ببوست و راح انزل الرابط مالته بالتعليقات و مثل ما اتفقنا كل ٣ ايام توكلين اكله جديده علمود من يصير تحسس تعرفين لشنو تحسس طيب لهنا الامور جيده بس شنو أعراض الحساسيه ؟ سهله جدا أعراضها من دخلتي الاكله الجديده الطفل صار عنده اسهال او قيء او غازات هوايه أكثر من المعتاد او طفح جلدي أو حرقه و احمرار بالعين او ضيق تنفس و أحيانا تورم بالشفه و اللسان 😇دكتور لحظه هوايه أعراض و ما تفرق بينها اكدر اعرضه على طبيب ؟ اي نعم تكدرين تعرضيه 😲 زين دكتور شنو الاكلات اللي تسوي تحسس ؟ الحليب البقري اولا الحنطه البيض الموز الفستق السمك و اكل البحر اللي هو ال sea food و ممكن جدا يتحسس من مجموعه اكلات أخرى بس القائمه الفوك هي الاغلب مثل التحسس من الكاكاو و من الذره و من التوت و غيرها 🤗ممكن يتحسس من الخوخ؟ ممكن 😎من المشمش ؟ اي نعم من كلشي 😄 سهله ما اوكله ذني الاكلات و خلص ، شرايك؟ لا طبعا مو هذا الحل ☺ زين شون اني من كنت صغيره عندي تحسس من البيض؟ اها هيجي اذا انت او ابوه او اخوه او عائلتك مشهوره بالتحسس لاكله معينه اجليها لهاي الاكله بعد السنتين إلى ٣ سنين 😏زين هاي الحساسيه ما تروح ؟ اغلبهن تروح ويه العمر بحدود ٢ إلى ٣ سنه الا حساسيه السمك فنادرا ما تروح و تبقى طول العمر 😢 ☺ زين ابني تحسس من الفراوله ما انطي بعد ؟ مو كاتب فوك يا عيني الحساسيه تروح بالسنتين إلى ٣ سنوات فوكليه بعدها موجوده بوستات بنفس الطريقة عن داء الحنطه و السكري للأطفال و داء الباقلاء و برقان الخدج و لا تنسون المشاركه و دعوه المزيد للإعجاب حتى نكبر بيكم الصوره تجمع أكثر اكلات تسوي تحسس اتمنى فادكم البوست

جمعتكم مباركه
كاعد توكلين طفلك الاكلات المختلفه و انت باديه من عمر مبكر بال ٤ اشهر و حسب شروط معينه منزلها ببوست و راح انزل الرابط مالته بالتعليقات و مثل ما اتفقنا كل ٣ ايام توكلين اكله جديده علمود من يصير تحسس تعرفين لشنو تحسس
طيب لهنا الامور جيده
بس شنو أعراض الحساسيه ؟
سهله جدا أعراضها من دخلتي الاكله الجديده الطفل صار عنده اسهال او قيء او غازات هوايه أكثر من المعتاد او طفح جلدي أو حرقه و احمرار بالعين او ضيق تنفس و أحيانا تورم بالشفه و اللسان
😇دكتور لحظه هوايه أعراض و ما تفرق بينها اكدر اعرضه على طبيب ؟
اي نعم تكدرين تعرضيه
😲 زين دكتور شنو الاكلات اللي تسوي تحسس ؟
الحليب البقري اولا
الحنطه
البيض
الموز
الفستق
السمك
و اكل البحر
اللي هو ال sea food
و ممكن جدا يتحسس من مجموعه اكلات أخرى بس القائمه الفوك هي الاغلب مثل التحسس من الكاكاو و من الذره و من التوت و غيرها
🤗ممكن يتحسس من الخوخ؟
ممكن
😎من المشمش ؟
اي نعم من كلشي
😄 سهله ما اوكله ذني الاكلات و خلص ، شرايك؟
لا طبعا مو هذا الحل
☺ زين شون اني من كنت صغيره عندي تحسس من البيض؟
اها هيجي اذا انت او ابوه او اخوه او عائلتك مشهوره بالتحسس لاكله معينه اجليها لهاي الاكله بعد السنتين إلى ٣ سنين
😏زين هاي الحساسيه ما تروح ؟
اغلبهن تروح ويه العمر بحدود ٢ إلى ٣ سنه الا حساسيه السمك فنادرا ما تروح و تبقى طول العمر 😢
☺ زين ابني تحسس من الفراوله ما انطي بعد ؟
مو كاتب فوك يا عيني الحساسيه تروح بالسنتين إلى ٣ سنوات فوكليه بعدها
موجوده بوستات بنفس الطريقة عن داء الحنطه و السكري للأطفال و داء الباقلاء و برقان الخدج
و لا تنسون المشاركه
و دعوه المزيد للإعجاب
حتى نكبر بيكم
الصوره تجمع أكثر اكلات تسوي تحسس
اتمنى فادكم البوست

جمعتكم مباركه كاعد توكلين طفلك الاكلات المختلفه و انت باديه من عمر مبكر بال ٤ اشهر و حسب شروط معينه منزلها ببوست و راح انزل الرابط مالته بالتعليقات و مثل ما اتف…