اكثر ما يزعج بازمه كورونا هي الاشاعات
يوم يكولون شبكات الجيل الخامس
يوم يكولون القمر الصناعي
يوم يكولون هي امريكا طشتها و هو اللي يكره يحب ؟!!
اقواهن مال هو مو فايروس تره هو غاز !! ( هذا سويت بلوك لكل شخص يكول هو غاز لان هذا هو نفسه اكيد مقتنع الثوم يعالج ابو صفار )
و هذا اللي بالبدايه كال الحرمل يقضي ع الفايروس شو وينه مختفي ؟ و اللي دافعن و اللي كامن يطكطكن حرمل و الدين يكول و الرسول يكول و كذا كذا كذا !!
الدين كالوا فكروا
و القران باول كلمه كال اقرا
مو اتبع على ضلاله
الطب اله ناسه
و الدين اله ناسه
معرفة الحقيقة باللي يواجهنا هو الضمانة الوحيدة للتعامل معه، ولما يطلع فلان الفلاني ما مختص بالامور الطبيه يحتاج احد يصححله اللي دا يكوله. الدنيا فعلًا ما ناقصة، والترويج للخرافات في هذه الفترة أسوأ شيء ممكن وبيه اذى للناس
د. سيف سمير البياتي
اخصائي طب الاطفال
