#عادات_بالية
🔴 بوست مستعجل 🔴
طفل حديث ولادة ظهره محترك!!
لان أمه واكفه تكلي وشايلته….
والي دينصح عود فهيم زمانه… ويكول
يا امهات ميصير تشيلون الطفل وتگلون!
عود ميكول هي مره هستوها جايبه شكاعده تسوي يم الطباخ!!!!!!
كافي رجاءا كافي
كافي تخلف واستعباد
شنو ام عدها طفل رضيع تكعد تكلي!
ماكو احد يساعد؟
ماكو دلفري؟
ماكو واحد يلزم الطفل عنها اذا هي فعلا عاجبها (تگلي)!!
بس الحقيقه متكول هيج
الحقيقه تكول ….
الام من تولد يبدي الزن فوك رأسها كومي نظفي كومي طبخي كومي گلي!
تره هذا مو شغل وحده عدها طفل رضيع!!
الطفل الرضيع حديث الولادة يريد امه طول الوقت.. طبيعي يريدها تبقى شايلتة ويشمها ويسمع كلبها !!
المو طبيعي من تجبروها تعوفه وتكعد تگلي وتطبخ وتنفخ لخاطر ترضي كم واحد طوله مترين
استحوا عاد
وخلوا الله بين عيونكم
المرأة من تخلف وظيفتها الاولى
الاولى
الاولى
هي ارضاع الطفل والتفرغ التام لرعايته مع مساعده الاب
مو تكعد تخدم ٧٠ نفر !
بدل متساعدوها انتوا موكفيها تگلي!!!
ماكول غير الله يكون بعون هذا الطفل الي امه مكدرت تكول لا ما اكدر اكلي هسه
وحسبي الله بكل واحد ميقدر حاجه طفل رضيع
ويجبر الأم أن تتنازل عن عاطفتها ومشاعرها وتدوس عليها وتكوم تخدم وتسمع الطفل يبجي وبكل وقاحه يكلولها ‘عوفي لتشيلي ليتعود’
لو يجبروها تنطي الممه حته لاكلساع ترضعه
عساها بحضكم وبختكم وكون ربي يعذبكم بدنيا قبل الاخره مثل متعذبون الاطفال الرضع بحرمانهم من امهم 💔
د.اسماء اسماعيل البدري
