حتى تخلي طفلك يصير نظامي ويكدر يعتمد على نفسه لازم تساعده من صغره بهالشي وتغرس بيه هاي المفاهيم
مثلا
١- علمه يسوي جدول الأعمال اليومية الي يريد يسويها، يكتب بيه شنو يريد يسوي من أمور لهاليوم؟
مثلا، لعب ثم غداء ثم ترتيب الغرفة ثم نوم وهكذا
وخلي يحدد وقت لكل شغلة منهن وانت ذكره بيهن و راقبه
٢- علمه يكتب شنو بباله يحققه او ينجزه؟ حتى يتعلم يكتب اهدافه ويخطط لانجازها ويعمل على تحقيقها واذا عنده هدف غلط ناقشه وشوف ليش اختاره؟ ووضحله كلشي
٣- انطيه مكافأة تحفيزية على منجزاته والتزامه بالجدول والتخطيط
٤- علمه يعتمد على نفسه، لا تخلي كلشي عليك
، خليه يجيب مي لنفسه بنفسه، خليه يرتب غرفته،
خليه يحل واجباته وحده تحت إشرافك من بعيد حتى تتأكد من انه دينجزهن بصورة صحيحة
كلفه بشغلات معينة يتعلم بيها الاعتماد على النفس
واخيرا وبعد ما يتعلم يعتمد على نفسه
اذا عندك اكثر من طفل، كلفهم كل واحد بشغل ميكدر يسويه وحده، وبعدها كوللهم سووه سوية حتى يتعلم انه مو كلشي يكدر عليه وحده، وانه التعاون قوة و مساعدة الآخرين صفة فضيلة
حساب التوعية على الانستغرام
https://instagram.com/dr_salmand?igshid=qbd41hnknyb3
د سلمان داود
طبيب تدرج
