اتصور وصلنا لمرحله الوحش بالوعي الطبي العراقي
لان المفراس صار بطلب من الناس مو الطبيب هو اللي يرسل المريض للمفراس لا لا
احنا وصلنا المريض يطلب و يسوي احيانا مفراس حتى يشخص نفسه كورونا لو لا
الصدمه وين؟
الصدمه من تعرف انه التعرض للمفراس يعادل التعرض ل ٢٠٠ اشعه !!
ما اريد اخوفكم بس التزموا فقط بتوصيات الطبيب فيما يخص المفراس
المفراس يعادل ٢٠٠ اشعه صدر
و تخيل كميه الاشعاع
الاشعه نوعا ما امينه
بس ٢٠٠ اشعه !!!!
و خطر السرطان بعدين؟
تخاف من كورونا
ما تخاف من سرطان؟
قبلنا بالفحوص الروتينيه اللي دائما نسويها بلا داعي و كلنا شكو بيها عدهم فلوس و يفحصون نفسهم
و قبلنا بالفيتامينات اللي مالها ٦٠ داعي و تاخذوها بلا اي داعي
و قبلنا بشراب الفراوله و الاموكسيل و غيره عبالك عصير برتقال و دمرتوا مناعه الاطفال لاجل لا شيء
و دا نحاول نصحح المسار للاجيال القادمه
بس توصل تعرضون نفسكم لخطر الاشعاع من تلقاء نفسكم!
سالمين اهلي ؟
سالمين عيوني !
مستعجلين على اذيه نفسكم؟
شبيكم ؟
الوعي الوعي
د. سيف سمير البياتي
اخصائي طب الاطفال
