كورونا بالعراقي
مجموع الاصابات وصل 75 الف عراقي
الحمد لله حالات الشفاء كثيره و وصلت ل ٤٣ الف
و الجهود كبيره
و عدد المصابين من وزاره الصحه كبير و ينطينا فكره عن عمل دؤوب للوزارة
رغم بعض الانتقادات لعملها
بس عدد الاصابات كبيره
اليوم 2734 اصابة
الوفيات خلال ٢٠ يوم معدلها 100 وفاة باليوم
شوفوا احصائيه الوفيات بالعراق
اول الف وفيات خلال 108 يوم من اول وفاة
ثاني الف وفيات خلال 11 يوم
ثالث الف وفيات خلال 10 ايام
يعني اذا استمر المنهج هذا 3000 شخص راح يتوفى شهريا
خصوصا بعد دخولنا المرحله الثالثة من الوباء
المرحلة الثالثة معناها انه احنا ما كاعد نعرف منين اجتي العدوى للشخص المصاب
و صارت المستشفى حالها حال اي تجمع بالشارع او غير مكان
بقية العالم تعايش ويه كورونا بالاغلاق و فك الاغلاق و العزل المناطقي و تكثيف الفحوصات و رغم كل هذا عاد الفيروس بقوة لامريكا بعد المظاهرات اللي تلت وفاه فلويد
مثل ما صعد عدنا الفيروس بعد تحضيراتنا للعيد السابق
العيد قادم
و الاصابات قادمه
اذا ما ناخذ حذرنا اكثر بهذه المره
ابدا ما اكول لا تتزوجون و لا تخطبون و لا تفرحون
بس كلشي سووه بحذر و بلا معازيم و بلا تجمعات و بلا هوسات
التسوق بدال شخصين يروح شخص
اللقاح بدل شخصين يروح شخص
لا تعيش نفسك احساس الذنب و انت تنقل المرض لاهلك و لاحبابك
د. سيف سمير البياتي اخصائي طب الاطفال
#الطفل_كورونا
