ما اعرف منو مفهم الامهات انه الطفل لازم ٢٤ ساعه ٧ ايام بالاسبوع لازم ياكل او يرضع
الطفل اول ما يجي على الدنيا ممكن يرضع كل ساعتين لاول اسبوعين فقط
و هذا هم مو قياس لكل الاطفال
ممكن الطفل ينام عادي ٤ ساعات باول اسبوعين
بعدها يبدي يزيد شويه شويه فتره النوم بلا رضاعه بحيث عادي بعمر ٣ اشهر ينام ٥ الى ٧ ساعات بدون رضاعه
طبعا شرط انه الطفل صحي سليم خالي من الامراض
و نفس الشي من الطفل ما نايم
الطفل اهم قياس لكميه الرضاعه تكفي لو لا هو وزنه
دام وزنه يزيد بالحدود المقبوله و ما ينقص فهذا طبيعي
على الرغم انه الطفل باول سنتين يصعد و ينزل على جدول النمو الخاص بيه باول سنتين بعدها يكون ثابت تقريبا
اللي بالصورة هي خطوط نمو لطفل كانت شكوى الام انه ما ياكل
و مثل ما تشوفون الوزن دا يصعد اصلا !!!
يعني خطوط النمو مو بس على المثالي
لا
رايحه تتحسن اصلا و وزنه فوق المثالي بكيلو تقريبا
لذلك نخلينا متفائلين
و ما نتخيل ابدا انه اطفالنا ٢٤ ساعه ياكلون
بالعكس
باتجاه السنه ياكلون اقل و يتحركون اكثر
لان معدل النمو يقل
د. سيف سمير البياتي
اخصائي طب الاطفال
