ناخذ هذه القصه لاخذ العبره
ام و اب من احد العوائل العراقيه ساكنين مع اهل الزوج
اخو الزوج يشتغل بالقطاع الصحي فصار بيه كورونا
بعد تشخيص العم ب ٣ ايام بكورونا و من قلق الام و الاب على طفلهم دزت ابنها لبيت اهلها
بعدها بايام انصابت عائله الطفل ككل و من ضمنهم الام و الاب
بعدين بدت عند ابو الام بالبيت الاخر اعراض كورونا
و انتقلت كورونا الى عائله الام
و اكيد عرفتوا الطريقه؟
اي نعم الطفل الصغير ابن هذه الام
الطفل اصلا ما صار عنده اعراض و لا تمرض
الجيد بالموضوع انه عائله الطفل الاولى كلها تشافت
و المحزن بالموضوع وفاه والد الام ( جد الطفل من جهه الام) بكورونا
ما اتخيل احساس الذنب اللي يرافق الام و سوء تصرفها !
الموضوع سهل
اي اعراض تنفسيه او حراره اعزل نفسك 10 ايام و الزم بيتك و اهل بيتك يعزلون نفسهم عن الاخرين 14 يوم
د. سيف سمير البياتي اخصائي طب الاطفال
