عدنا عده كروبات للمجموعة الطبية
واحد منها اني ادمن بيه
الكروب اسمه بندول يجمعنا سوا
الكروب يجمع كل المجموعة الطبية طب و صيدلة و اسنان
الكروب قديم من 5 سنين تقريبا
الكروب كل فترة يجمع مبالغ من الاعضاء كتبرعات لاعمال مثل تجهيز دار ايتام او شراء ادويه سرطانية او غيرها
لكن اكيد بكورونا الوضع غير
و احتراما لشهداء اطباؤنا و صيادلتنا اللي توفوا بالفايروس
الكروب نفذ حمله جمعت 60 مليون دينار عراقي
بهذه ال 60 مليون كدرنا نشتري 47 جهاز Bipap لعلاج توقف التنفس لمرضى الكورونا و وزعناها على المستشفيات
ان شاء الله بهاي حملتنا كل اسبوعين راح ننقذ حياة بمعدل 47 شخص وتكون بمثابة وقف على ارواح شهداؤنا
قائد الحملة طبيب شاب اسمه د. علي حسين عبيد هو اللي تكفل بالجمع
الخبر اكتبه هنا لان اكو من سوء صورة اطباؤنا بالمجتمع العراقي من الاطباء نفسهم و من غير ناس لاغراض معروفه
اتمنى اغيرها
كل اللي اريده منكم تدعون بالرحمه لكل اللي توفوا بفايروس كورونا
د. سيف سمير البياتي اخصائي طب الاطفال
