على صفحتي الشخصيه 5000 صديق
ما يمر 48 ساعة
اذا ما يجيني سؤال عن تسمم اما بدواء او بنفط او بزاهي او سوائل تنظيف
بالطواريء ما تمر خفارة الا بيها كمعدل من 6 الى 10 حالات تسمم
و احيانا حالات التسمم اكثر حتى من حالات الاسهال و القيء الداخله للمستشفى
اكثرها تنتهي بدخول مستشفى و مراقبه و تتحسن
و بيها تنتهي بانعاش رئوي
و قسم منها مع كل اسف انتهت بالوفاة
شويه انتباه
اعتبروا كل دواء و كل ماده تنظيف خطر محدق حتى لا ينفجع قلبك بحادث كان ممكن تجنبه
د. سيف سمير البياتي اخصائي طب الاطفال
