السلام عليكم…..
رضاعة طبيعية او صناعية، الاثنين ممكن تسبب تسوس الاسنان اللبنية بعمر مبكر…..
شون اتجنبها؟
☘️انظف لثة الطفل عالاقل مرتين بليوم والافضل بعد كل رضعه بشاش او قطن ومي معقم.
☘️احاول مااربط الرضاعه بلنوم، اخر رضعه للطفل انظف لثته وراها ينام (كلما نبدي مبكر كلما يتعود)
☘️ وية اول سن يظهر احرص على تنظيفة مرتين بليوم عالاقل بماء وشاش او نشتري فرشة صغيرة تنلبس بالاصبع.
☘️ لاللرضاعة الليلية بعد عمر السنة 🙅♀️
☘️ تحويل الطفل من الممة للكلاص وتقليل عدد الرضعات بعد عمر السنة
☘️ لا لاعطاء عسل او مي وشكر او عصير للطفل بلممة، ولا للملهية الي تغمس بشكر، بحليب، بعسل وقت النوم او اي وقت.🙅♀️
☘️ أدوات طعام معقمة ومااشاركها وية اي احد بلبيت، الطفل ياكل من خاشوكتة وطبقه الخاص( الاطفال ينولدون بفم خالي من البكتريا المسببة للتسوس، وتنتقل الهم من الاهل او الشخص الي يهتم بيهم)
☘️ ماادخل الحلويات والاكل الغني بالسكريات بغذاء الطفل، والأهم احدد عدد الوجبات والوجبات الخفيفه بين الوجبات الرئيسية
☘️بعد عمر السنة استخدم معجون اسنان يحتوي عالفلورايد وفرشة اسنان مناسبة للطفل وتنظيف الاسنان يكون مرتين بليوم.
☘️ اخذ الطفل لاول زيارة لطبيب الاسنان بعمر السنة، او بعد ستة اشهر من ظهور اول سن.
#همسة_الدهان
#الاهتمام_باسنان_الاطفال
تحياتي
د.همسة الدهان
