شنو فصيلة دم الام
تجاوب العمه بي زائد
امي ابو صفار الطفل عالي
مو مال بي زائد
شنو فصيله دم الام
مره اخرى تجاوب العمه بي زائد
الام وينها
هسه اصيحها
جتي الام
شنو فصيله دمك
الام ما ادري عمتي تدري
العمه ( منتصره) مو كتلك بي زائد
مبين ابو صفار الطفل جدا عالي
المهم
دزيت الام تحليل فصيله
و الطفل كذلك
طلعت الام O زائد
و الطفل A زائد
كلتلها ها حجيه؟
لذلك نكرر المعلومه ما تطلعين من المستشفى اذا دمك O سواء سالب او موجب الا تعرفين فصيله دم طفلك لان اذا طلع A او B ممكن يرتفع ابو صفاره حتى تخلين بالك اكثر مو يجي الطفل مضروب دماغه لان انت ما عرفتي تتصرفين و تراقبين
طبعا اكو عشرات الاسباب الاخرى لارتفاع ابو صفار الا ان هذا السبب هو الاكثر شيوعا
د. سيف سمير البياتي اخصائي طب الاطفال
