امهات لمراهقين عدهم دورات صف سادس و اباء راغبين يخلون اولادهم بدورات كيكوشنكاي و امهات اولادهم يحتاجون لصفوف خاصه و و و و و و يسالوني عن :
نريد نودي اولادنا
مضطرين نودي اولادنا
شنسوي ؟
شتسوين؟
اني اكولك
روحي للروضه او المعهد افتهمي شنو خططهم
افتهمي شراح يسون؟
❤اولا نذكر بالجديد فيما يخص كورونا
الكبار يعدون الصغار اكثر مما الصغار يعدون الكبار حسب بحث ألماني فهل راح ينطون اجازه للاستاذ او المعلمه ؟
❤ هل راح يجبرون الاهل على ارجاع اولادهم اذا احد منهم ارتفعت حرارته
لان الاعتماد على وعي بعض الامهات ينتج عنه ( وديه هو مريض يعدي ما ينعدي )
❤ شنو وسيلتهم للتعقيم؟
❤ هل سيتم غسل يدين الاطفال
❤ هل سيلتزم الاطفال بالكمامه
❤ هل سيرتدي الكبار الكمامه
❤ هذه النقطه صعبه ادري و واجب الدوله حقيقه بالسؤال هل الطفل زميل طفلي ملقح بكل اللقاحات؟
❤ هل سيلتزم المعهد او الروضه بمسافة متر و نصف بين طفل و اخر ؟
❤ منو ما يشملهم هذا البوست؟
– اطفال امراض الدم
– اطفال السكر و التناظر الكلوي و عجز الكلية
– الاطفال تحت عمر سنة
❤ الاطفال اللي عدهم ربو او تحسس يبدون قبل الالتحاق علاجهم الوقائي بعد مراجعه طبيبهم
❤ ماكو فيتامينات تمنع كورونا
❤ لقاح الانفلونزا افضل اخذه و قبل ما تسالوني عنه
لقاح الانفلونزا لهذه السنه بعده ما توفر و محضرلكم بوست عنه بس يتوفر و اتاكد من توفره بالصيدليات انزللكم بوست عنه
د. سيف سمير البياتي اخصائي طب الاطفال
