نذكر بالاساسيات
بعد تجاوز عدد اصابات كورونا لليوم 5000 اصابة
كورونا فايروس تنفسي ينتقل عن طريق الرذاذ اللي يخرج من الانف و الفم في حاله التكلم او العطاس او السعال في اغلب الحالات و ينتقل احيانا عن طريق لمس ادوات شخص مصاب
الفايروس ينتقل سواء كنت عندك اعراض او ما عندك اعراض
نسبه لا باس من المصابين بالفايروس ما عدهم اعراض
النسبه تتراوح بين 14 بالميه الى 25 بالميه
اللي عنده اعراض يعدي
و اللي ما عنده اعراض يعدي
العدوى تستمر الى 10 ايام من بعد اول عرض
او من تاريخ المسحه
ماكو داعي لمسحه الشفاء ابدا
اغلب الحالات بسيطه و هي 80 الى 85 بالميه
و 10 بالميه تحتاج مستشفى
5 بالميه فقط يحتاجون لانعاش رئوي
كلما الشخص اكبر كلما المرض اشد
8 من اصل 10 توفوا بكورونا بامريكا كان اعمارهم اكثر من 65 سنة
التباعد الاجتماعي و الطلعه للضروره هي اساس الحمايه
الكمامه تنفع و تنفع اكثر لو الشخص المصاب لبس الكمامه
لذلك البسها لان ممكن تكون انت مصاب بس ما تدري
العدوى ممكن تعود مره ثانيه و سجلت حاله واحده فقط بالعالم لحد الان و كانت اصابته الثانيه بلا اعراض
اللقاح محد يعرف شوكت يوصل للعراق لان بعده بالمرحله الثالثه و ننتظر و نشوف
التزموا بنفس التوصيات
المصاب و معزول بالبيت لا يطلع من بيته
بالصين لحموا الابواب على المصابين و محجورين منزليا
هن 10 ايام و بعد ما تعدي
اصبروا مو خلصنا حرامات لو مكتوب علينا الموت ؟
د. سيف سمير البياتي اخصائي طب الاطفال
