ينام الصبح و يكعد بالليل
و كم من طفل مع الاسف هذه نومته !
و كم من طفل محروم من فوائد نوم الليل لاجل لاشيء !
اما بالنسبه لحديثي الولاده و الطفل ينام الصبح و يكعد بالليل جربوا التالي :
1. اتبعوا القاعده الضروريه
اكل ثم العب ثم نام
هذه القاعده ضروريه حتى لا تربط النوم بالرضاعه و حتى يتعلم على روتين النوم
2. اغفاءات الصبح لا تخليها تطول اكثر من ساعه و نص الى ساعتين
ابدا لا تصدك بمقوله ( لا تكعد الطفل اذا نام )
بالعكس نظم النوم بايقاظه
3. نوم الصبح يكون تحت الضوء و الضوضاء
نوم الصبح ما لازم يكون هاديء ابدا
بالعكس التلفزيون مفتوح
و الستائر مفتوحه
4. حافظ على عتمه و هدوء الغرفه من المغرب و ليلا و بدون ضوء ابيض من اول يوم
5. اساس التربيه السليمه روتين سليم
روتين طعام
روتين نوم
اقرا له كتاب
او لعبه قصيره
او حتى تغيير ملابسه الى ملابس النوم
اللعبه اللي تساعده على النوم مثال اخر خليها تظهر ليلا
6. باليل لا تلعب ويه الطفل او تتكلم معاه و انت ترضعيه
لا ابدا
حتى اذا كدرتي لا تبدلين حفاظته
7. صبح الصباح فتح يا عليم
خليه يعيش اجواء الصبح
ما اعرف هذا الروتين مال طفل يكعد بال 10 و ال 11 الصبح منين جاي
طفل يكعد الصبح و كانما يتحضر للمدرسه
بالزايد لل ٩ الصبح بايام العطل
بس هذا اتصال الصباح بالساعه 12 ظهرا و الفطور بال ١ ظهرا و الغداء بال 6 عصرا و بعدين تكولين ما ينام !!
ليش هو المسكين شمفتهم من روتين الحياه اذا ريوكه بال ١ الظهر يا امي
د. سيف سمير البياتي اخصائي طب الاطفال
