كيفيه التعامل مع الطفل العنيد كلنا عدنا او سمعنا عن طفل عنيد مثلا ما يقبل ينام بموعده او يرفض يبقى بفراشه او من ياكل ياخذ الملعقه و يذبها بالكاع او الطفل اللي عمره ٦ سنين و ما يقبل الا يلبس نفس اللبس بكل مره راح اتكلم عن ١٠ طرق فعاله للتخلص من العناد هذا ١. اسمعله لا تناقشه النقاش هو بين طرفين مو بين طرف واحد اسمعله شوف شنو زاعجه ليش هيجي دا يسوي افتهم منه سبب عناده ٢. تواصل وياهم لا تجبرهم مثال طفلي ما يقبل الا يشوف تلفزيون قبل ما ينام المفترض ما تعاند و تجبر اول ايام اكعد وياه شوف شنو يعجبه شنو يريد اهتم بالتلفزيون و اللي كاعد يشوفه وراها شويه شويه اطلب منه ينام الحضن للطفل اول وسيله للتواصل لا تعيش بعالمك المتعالي ٣. انطيهم الخيارات لا انت و لا اني و لا اي احد بالدنيا يحب أحد يفرض عليه الرأي هو هم كذلك مثال طفلك يرفض يروح ينام كوله شنو رايك اقرالك قصه الفلانيه لو الفلانيه قبل النوم ؟ طفلك يلبس الا فلان تيشرت مثلا الأخضر شنو رايك تلبس الاحمر لو الأزرق ممكن جدا يصر على خياره و يكول لا ما اقبل كوله و بكل هدوء بصراحه ما عندك خيار ثالث لو الاحمر لو الأزرق حاول تبقى هاديء قدر الإمكان ٤.ابقى هاديء ابقى محافظ على هدوئك الصوت العالي ما راح يخلي بس يعيط و يعلي صوته انتبه انت البالغ بهاي المعادله مو طفلك العياط ما يجيب الا العياط ٥. احترامهم واجب احترم ارادتهم حبهم للاكل و تفضيلهم لاكلات معينه هوايه امهات بالصفحه اكيد قارين يسألون دكتور ابني ما ياكل فاكهه شاسوي شتسوين؟ يعني انت كل الاكل تحبيه ماكو واحد ينجبر على شي ما يحبه احترموا آرائهم مشاعرهم تفضيلاتهم ٦. اعمل معاهم تره الأطفال العنودين جدا حساسين شون تتعامل وياهم و شون تحضنهم و شون تحترمهم و شون يعيشون و شون يحبون تحجون وياهم فهمهم بمكان ما تكوله روح رتب فراشك كوله شنو رايك نرتب غرفتك و هكذا العب وياهم احضنهم او احضنيهم كلتي لطفلك اليوم اني احبك؟ حضنتي؟ ٧. تفاوض وياهم ابدي السؤال و النقاش ب ليش هيجي تسوي ؟ اكو شي زاعجك؟ النقاش لا يعني التنازل مثال انت تريده ينام بال ٩ و هو يريد ينام بال ١٠ ؟ تناقشوا اذا حصلت بال ٩ و نص اوكي ماكو مشكله كسبت قلبه و وده و بس ٨. خلي نفسك بمكانه دوما فكر شنو راح تسوي لو انت بمكانه دائما خلي نفسك بمستوى تفكيره افتهم ليش هيجي دا يصير لا تنظر الامور كرئيس و مرئوس ٩. عزز الثقه بنفسه و شجعه من يتصرف صح افرح و كوله احسنت و عفيه بالبطل و عفيه بالسبع و من يخطأ لا تظل تاكل راسه خلص انتهى الموضوع عزز ثقته بنفسه ١٠ . اخيرا عليك بنفسك طفلك ما جاب العناد من الشارع اكيد جابه من بعض التصرفات منا وومنا كن له قائد و ملهم تصرف بديمقراطيه و شون ما تحب طفلك يكون يعني اذا طفلك يشوف الاب و الام ٢٤ ساعه متعاركين شتريده يطلع مثلا ؟ انتبهوا لتصرفاتكم من اول يوم شكرا الكم د. سيف سمير البياتي اخصائي طب الاطفال

كيفيه التعامل مع الطفل العنيد
كلنا عدنا او سمعنا عن طفل عنيد مثلا ما يقبل ينام بموعده او يرفض يبقى بفراشه او من ياكل ياخذ الملعقه و يذبها بالكاع
او الطفل اللي عمره ٦ سنين و ما يقبل الا يلبس نفس اللبس بكل مره
راح اتكلم عن ١٠ طرق فعاله للتخلص من العناد هذا
١. اسمعله لا تناقشه
النقاش هو بين طرفين مو بين طرف واحد اسمعله شوف شنو زاعجه ليش هيجي دا يسوي افتهم منه سبب عناده
٢. تواصل وياهم لا تجبرهم
مثال طفلي ما يقبل الا يشوف تلفزيون قبل ما ينام
المفترض ما تعاند و تجبر
اول ايام اكعد وياه شوف شنو يعجبه شنو يريد اهتم بالتلفزيون و اللي كاعد يشوفه وراها شويه شويه اطلب منه ينام
الحضن للطفل اول وسيله للتواصل
لا تعيش بعالمك المتعالي
٣. انطيهم الخيارات لا انت و لا اني و لا اي احد بالدنيا يحب أحد يفرض عليه الرأي هو هم كذلك
مثال طفلك يرفض يروح ينام
كوله شنو رايك اقرالك قصه الفلانيه لو الفلانيه قبل النوم ؟
طفلك يلبس الا فلان تيشرت مثلا الأخضر
شنو رايك تلبس الاحمر لو الأزرق
ممكن جدا يصر على خياره و يكول لا ما اقبل
كوله و بكل هدوء بصراحه ما عندك خيار ثالث لو الاحمر لو الأزرق
حاول تبقى هاديء قدر الإمكان
٤.ابقى هاديء
ابقى محافظ على هدوئك
الصوت العالي ما راح يخلي بس يعيط و يعلي صوته
انتبه انت البالغ بهاي المعادله مو طفلك
العياط ما يجيب الا العياط
٥. احترامهم واجب
احترم ارادتهم حبهم للاكل و تفضيلهم لاكلات معينه
هوايه امهات بالصفحه اكيد قارين يسألون دكتور ابني ما ياكل فاكهه شاسوي
شتسوين؟
يعني انت كل الاكل تحبيه
ماكو واحد ينجبر على شي ما يحبه
احترموا آرائهم مشاعرهم تفضيلاتهم
٦. اعمل معاهم
تره الأطفال العنودين جدا حساسين شون تتعامل وياهم و شون تحضنهم و شون تحترمهم و شون يعيشون و شون يحبون تحجون وياهم
فهمهم بمكان ما تكوله روح رتب فراشك
كوله شنو رايك نرتب غرفتك
و هكذا
العب وياهم احضنهم او احضنيهم
كلتي لطفلك اليوم اني احبك؟
حضنتي؟
٧. تفاوض وياهم
ابدي السؤال و النقاش ب
ليش هيجي تسوي ؟
اكو شي زاعجك؟
النقاش لا يعني التنازل
مثال انت تريده ينام بال ٩ و هو يريد ينام بال ١٠ ؟
تناقشوا
اذا حصلت بال ٩ و نص اوكي ماكو مشكله
كسبت قلبه و وده و بس
٨. خلي نفسك بمكانه دوما فكر شنو راح تسوي لو انت بمكانه دائما خلي نفسك بمستوى تفكيره افتهم ليش هيجي دا يصير
لا تنظر الامور كرئيس و مرئوس
٩. عزز الثقه بنفسه و شجعه من يتصرف صح افرح و كوله احسنت و عفيه بالبطل و عفيه بالسبع
و من يخطأ لا تظل تاكل راسه خلص انتهى الموضوع
عزز ثقته بنفسه
١٠ . اخيرا
عليك بنفسك
طفلك ما جاب العناد من الشارع
اكيد جابه من بعض التصرفات منا وومنا
كن له قائد و ملهم
تصرف بديمقراطيه و شون ما تحب طفلك يكون
يعني اذا طفلك يشوف الاب و الام ٢٤ ساعه متعاركين
شتريده يطلع مثلا ؟
انتبهوا لتصرفاتكم من اول يوم
شكرا الكم
د. سيف سمير البياتي اخصائي طب الاطفال

كيفيه التعامل مع الطفل العنيد كلنا عدنا او سمعنا عن طفل عنيد مثلا ما يقبل ينام بموعده او يرفض يبقى بفراشه او من ياكل ياخذ الملعقه و يذبها بالكاع او الطفل اللي ع…