توا قريت اعلان لاحد المختبرات انه هو يسوي تحليل سكر مجاني لكل الراغبين
ذكرني بحمله سوتها سنه من السنوات احد دوائر الصحه بقياس السكر لكل المراجعين اللي عمرهم اكبر من ٤٥ سنة مجانا
كنت بوقتها طبيب تدرج
ما تتخيلون شكد لكينا ارتفاعات بالسكر في وقتها
و شكد شخصنا سكر نوع ثاني عند الكبار من بعد اجراء التحاليل الباقيه مثل التراكمي و الدهون و غيرها
فعلا المعلومه الطبيه تكول من كل شخصين عدهم سكر واحد منهم فقط يدري عنده سكر
هذا ما اقاتل لاجله بالصفحه و باكل اطفالنا الخطا و اكلنا الخطا اللي راح يخلي اعداد المصابين بالسكر ترتفع اكثر و اكثر
المهم ما علينا
قيس سكرك اذا تكدر هسه و اكتبلنا النتيجه بالتعليقات اذا عمرك اكبر من 30 سنة
د. سيف سمير البياتي اخصائي طب الاطفال
