في احد مستشفيات البلد يوم امس
3 اطفال ماخذين دم لان عدهم فقر دم من سوء التغذية
سوء التغذيه جاي وياه وزن جيد او فوق الجيد و اعتماد كلي او شبه كلي على الحليب بعد عمر السنه
و في حال نطوا اكل ينطون عصير
هذا اللي حدثني بيه زميل ليوم امس فقط
كان يطلب مني ازيد منشوراتي بهذا الخصوص
اللي هن ادري بيهن هوايه
و على راي توته ضاغطتهم ( لحيت هوايه ) على اساس انه اكتبلها بس الها
بس المشكله اني مدا اوصل لهذه الناس
بعدهم بعقليه الحليب بعد السنه زين
و بعدهم بعقليه انه انطيه عصير و نستله و جبس
و بعدهم بعقليه دام وزنه زين اذا اني صح
و ما مفكرين ابدا بالحديد و الزنك و المعادن الأخرى
ما مفكرين ابدا شكد العصير سيء و هو بس عباره عن مي و شكر و يسموه طاقه فارغه
اولادكم امانه
اذا ما تكون كدها لا تسويهم
اذا انت غير مقتدر ماديا او علميا او معنويا على رعايتهم
خليك بعيد عن الهم و لا تتحمل خطيتهم
د. سيف سمير البياتي اخصائي طب الاطفال
