توقف النفس المفاجيء أو الفحطه
هو لما يتوقف نفس الطفل بعد أن يحس بألم أو يزعل أو يضوج بعمر فوك 6 اشهر إلى 18 شهر و تستمر لغايه ال ٢ سنوات إلى ٥ سنوات
غالبا ما يصير وياه ازرقاق بالفم و قد يفقد الوعي بعدها و بعدها قد يصاب بتشنجات تشبه الشمره
السبب غير معروف في أغلب الحالات و يجي و يروح وحده و بدون علاج و لكن قد يكون المريض عنده نقص حديد او فقر دم ناتج عن نقص الحديد و من مرضايه هوايه من اسويلهم تحليل يطلع عدهم نقص فظيع بالحديد بعد ما يشوفه الطبيب و يدزه تحاليل يوصفله العلاج اللازم
العلاج من المهم أن نعرف انه الطفل راح يكبر و راح تروح هاي ويه العمر
و الاسعافات الاولية المهمه مثل التنفس الصناعي اذا طولت أكثر من اللازم
لا يخبص الاهل نفسهم من تصير لأن احتمال الخبصه تزيد الأزرقاق أو تسوي نوبة ثانية
و لا ننسى اهميه تحضير الطفل و عدم مفاجئته من عندة ابره مثلا
نتمنى الكم السلامه
د. سيف سمير البياتي اخصائي طب الاطفال
