عمرها ٤ سنوات و بعدها تشرب حليب بالمميه و عدها فقر دم و نسبه الدم 8
السبب؟
عمره سنة و نص و امساك شديد و البارحه داخله بيه مستشفى بسبب الامساك الشديد
السبب؟
اي السبب الحليب
ما يؤلم حقا هو من تكول افطم
كانما شتمت الالهه بعصر الجاهليه
و راسا تنبري و تكول ( مو الحليب زين )
اي زين بحيث الامساك مطلع روحه
و فقر الدم عنده
و اسنانه خربت و راحت
اعرف و الله انه وقتكم محدود و ضغوط البيت كبيره و انه تحضير مميه اسهل بكثير من توفير طعام
بس اذا انت الاب او الام ما عندك مجال لمراعاه طفلك من جميع النواحي ليش سويته؟
ليش جبته لعالم راح تهمله انت اولا
الامومه و الابوه مو بوست او تعليق بالفيس بوك انه يا رب احفظ اولادي
الامومه اذا ما تعبتي بيها اعرفي انه انت ما كاعد تاديها بصوره جيده
و الابوة مسؤوليه عن كل شيء و من ضمنها اختيار طعام جيد لاطفالك حتى لو انت تطبخلهم لا عيب و لا حرام دام الام مشغوله
د. سيف سمير البياتي اخصائي طب الاطفال
