#سلسلة_الرضاعة_الطبيعية
هل الرضاعة الطبيعية مؤلمة؟ 🤔
✔️لا. غير مؤلمه في الأحوال الطبيعيه..
غالبا بالبداية يصير تشقق بالحلمة وتخلي الرضاعة مؤلمة جدا.. والسبب أنه الطفل بعده ميعرف يرضع صح والام ايضا متعرف شلون .. يعني مرحله تدريب..
📣والحل:
١.🔹تحتاج الام شوي معلومات(حول الالتقام الصحيح) وهواي محاولات يلا تنضبط..
٢.🔹وكريم للتشققات حتى يساعد على سرعة الشفاء.(يفضل كريم يكدر يرضع الطفل فوكاة بدون مسح.. مثلا ميبو او كريم من شركه نوبي بمادة ال لانولين متخصص بهذا الموضوع) واذا متوفرت ممكن استخدام الحليب نفسه .. نعصر الصدر ونوزع من الحليب ع الحلمه المتشققه ونتركها تجف بالهوه (لاتغطي راسا)
⏪وايضا قد تترافق مع تقلصات بالرحم مشابهه للألم الطلق وهذه ايضا تعتبر حاله طبيعيه ومؤقته .. وتعني أن الرحم يحاول أن يتقلص ويرجع إلى حجمه ومكانه الطبيعي قبل الحمل..
أما إذا تجاوزت الام الالم وبعد فتره (اشهر) رجع يصير الم معناها وحده من الاحتمالات:
١. فطريات فم الطفل انتقلت إلى الحلمة.
٢.الدوره الشهريه.
٣. عضه 😁 (نتجاوزها أنه ننطي الطفل عضاضه بارده قبل الرضاعة)
٤. حمل 😍 (سوي تحليل منزلي للتأكيد)
📣📣اما في حالة الألم النفسي الشديد المصحوب بأفكار غريبه تحتاج تدخل طبي نفسي عاجل.
د.اسماء اسماعيل البدري

