دكتور علي حسيب استاذ الجراحة يحجي أسطورة يكول بيها في قـــديم الزمان … كان اكو واحد فقير جدا و كانت شغلته الي يسترزق منها هي انه “قُرداتي” هاي مهنة قديمة، انه الشخص يكون عنده قرد مدربه على حركات يسويها كدام الناس والناس تنطيه فلوس مقابل العرض الي يونسهم كانت الفلوس الي يحصلها تكفيه يعيش يومه وبس فمرة من المرات لما كان كاعد مع زوجته وابنه بالخيمة الي عايشين بيهم اجتهم امرأة شديدة الجمال و لابسة شغلات جدا غالية ك الماس وذهب والخ كاللها : منو انتي؟ كالتله: اني الدنيا كاللها : عايفتنا متبهدلين ليش؟ كالتله: لا خلص اني قررت ازوركم وابقى يمكم بس بشرط انه لما اريد اعوفكم، اعوفكم مباشرة بلا إنتظار ولا تأخير كاللها : ميخالف راضين تزورينا شهر، اسبوع، حتى لو نص ساعة ميخالف ، بنفسي اكل لحم، دجاج، البس شحاطة الفردتين بيها يتشابهن المهم اتفقوا انها راح تزورهم وتبقى يمهم لكن تمشي وكت الي يعجبها يوم ورا يوم القرداتي صار تاجر كبير الى ان صار اغنى واحد بالبلد كلها وصار عنده بدل القصر قصور القرداتي كان بالقصر ماله ضام القرد والطبل و الدشداشة المشكوكة و فردتين الشحاطة الي ما يتشابهن حتى يبقى يتذكر نعمة رب العالمين عليه وشون جان حاله ووين صار بيوم من الايام كان كاعد يفكر بزواج ابنه وديشوف انه محد يستاهل ابنه الثري غير بنت الملك فراح للملك وطلب ايد بنته وطبعا الملك وافق وهو الممنون المدينة بوقتها علكت بالافراح لانه الأميرة راح تتزوج الى ان اجى اليوم الموعود، يوم الزفاف اجتمعت كل المدينة والكل ينتظر، التاجر الكبير يسلم عالوزير و الملك والكل تباركلهم واحد من الخدم اجى عالتاجر (القرداتي) كاله اكو وحدة تريدك بموضوع مهم التاجر كاله مو وكتها كوللها مو فاضي هسة الخادم كاله بس باوع شوف منو؟ التاجر باوع لكاها الدنيا كام يرجف من الخوف راح يركض عليها حتى يشوفها شتريد! كاللها يا هلا اكيد جاية تباركين كالتله لا جاي اكولك راح امشي كاللها بس اصبري اكمل زواج ابني و اتطمن على مستقبله وبعدها امشي، كالتله لا احنا اتفقنا انه امشي بالوقت الي يعجبني ومباشرة بلا انتظار كاللها زين بس ساعة وحدة انتظري؟ كالتله ماشي ، راح انتظر ساعة وبعدها امشي للأبد التاجر راح على قصره لبس دشداشته القديمة وشحاطته وجاب القرد والطبل واجى كعد بنص الناس يدك عالطبل ويسوي عروض ترفيهية بالقرد و يردد ( تجين تجين، ما تجين لا تجين) ويباوع عالدنيا الأسطورة تقول انه الدنيا لما شافت التاجر مو فارقه معاه يعني اجيتي هلا بيج ما تجين لا تجين ما واكفين عليج، بقت وما مشت العبرة من هالقصة انه كل شغلة تخاف عليها بحياتك سوي الي تكدر عليه بكل جهودك حتى تحصلها بنفس الوقت خلي داخلك يكول ( تجين تجين ما تجين لا تجين) يعني لاتخلي حياتك واكفة عليها السفر و الزواج والفلوس والأطفال سوي الي تكدر عليه بكل جهودك حتى تحصل الي تريده منهن بنفس الوقت لا تخلي حياتك توكف عليهن، استمر بحياتك لما تستغني عن الدنيا بداخلك مع الأخذ بجميع الأسباب، تجيك الدنيا رغما عنها سوي الي تكدر عليه وخلي النتيجة تطلع مثل ما تطلع واستغل كل فرصة تجيك و اخذ بالاسباب و كد ما تحاول وتجتهد راح تشوف مهاراتك وقدراتك تزيد بالتغلب عالعقبات والنتيجة سواء اجت مثل ما تريد او عكس الي تريده المكسب راح يكون بمهاراتك الي كسبتها لان المهارات هي الي تساعدك انه تفوز بالقادم —- حساب التوعية على الانستاغرام ‏https://instagram.com/dr_salmand?igshid=qbd41hnknyb3 د. سلمان داود مقيم اقدم اطفال

دكتور علي حسيب استاذ الجراحة يحجي أسطورة يكول بيها
في قـــديم الزمان … كان اكو واحد فقير جدا و كانت شغلته الي يسترزق منها هي انه
“قُرداتي”
هاي مهنة قديمة، انه الشخص يكون عنده قرد مدربه على حركات يسويها كدام الناس والناس تنطيه فلوس مقابل العرض الي يونسهم
كانت الفلوس الي يحصلها تكفيه يعيش يومه وبس
فمرة من المرات لما كان كاعد مع زوجته وابنه بالخيمة الي عايشين بيهم اجتهم امرأة شديدة الجمال و لابسة شغلات جدا غالية ك الماس وذهب والخ
كاللها : منو انتي؟
كالتله: اني الدنيا
كاللها : عايفتنا متبهدلين ليش؟
كالتله: لا خلص اني قررت ازوركم وابقى يمكم بس بشرط انه لما اريد اعوفكم، اعوفكم مباشرة بلا إنتظار ولا تأخير
كاللها : ميخالف راضين تزورينا شهر، اسبوع، حتى لو نص ساعة ميخالف ، بنفسي اكل لحم، دجاج، البس شحاطة الفردتين بيها يتشابهن
المهم اتفقوا انها راح تزورهم وتبقى يمهم لكن تمشي وكت الي يعجبها
يوم ورا يوم القرداتي صار تاجر كبير الى ان صار اغنى واحد بالبلد كلها وصار عنده بدل القصر قصور
القرداتي كان بالقصر ماله ضام القرد والطبل و الدشداشة المشكوكة و فردتين الشحاطة الي ما يتشابهن حتى يبقى يتذكر نعمة رب العالمين عليه وشون جان حاله ووين صار
بيوم من الايام كان كاعد يفكر بزواج ابنه وديشوف انه محد يستاهل ابنه الثري غير بنت الملك فراح للملك وطلب ايد بنته وطبعا الملك وافق وهو الممنون
المدينة بوقتها علكت بالافراح لانه الأميرة راح تتزوج الى ان اجى اليوم الموعود، يوم الزفاف
اجتمعت كل المدينة والكل ينتظر، التاجر الكبير يسلم عالوزير و الملك والكل تباركلهم
واحد من الخدم اجى عالتاجر (القرداتي) كاله اكو وحدة تريدك بموضوع مهم
التاجر كاله مو وكتها كوللها مو فاضي هسة
الخادم كاله بس باوع شوف منو؟
التاجر باوع لكاها الدنيا
كام يرجف من الخوف راح يركض عليها حتى يشوفها شتريد!
كاللها يا هلا اكيد جاية تباركين
كالتله لا جاي اكولك راح امشي
كاللها بس اصبري اكمل زواج ابني و اتطمن على مستقبله وبعدها امشي، كالتله لا احنا اتفقنا انه امشي بالوقت الي يعجبني ومباشرة بلا انتظار
كاللها زين بس ساعة وحدة انتظري؟
كالتله ماشي ، راح انتظر ساعة وبعدها امشي للأبد
التاجر راح على قصره لبس دشداشته القديمة وشحاطته وجاب القرد والطبل واجى كعد بنص الناس يدك عالطبل ويسوي عروض ترفيهية بالقرد و يردد ( تجين تجين، ما تجين لا تجين)
ويباوع عالدنيا
الأسطورة تقول انه الدنيا لما شافت التاجر مو فارقه معاه يعني اجيتي هلا بيج ما تجين لا تجين ما واكفين عليج، بقت وما مشت

العبرة من هالقصة انه كل شغلة تخاف عليها بحياتك سوي الي تكدر عليه بكل جهودك حتى تحصلها
بنفس الوقت خلي داخلك يكول ( تجين تجين ما تجين لا تجين)
يعني لاتخلي حياتك واكفة عليها
السفر و الزواج والفلوس والأطفال
سوي الي تكدر عليه بكل جهودك حتى تحصل الي تريده منهن بنفس الوقت لا تخلي حياتك توكف عليهن، استمر بحياتك
لما تستغني عن الدنيا بداخلك مع الأخذ بجميع الأسباب، تجيك الدنيا رغما عنها
سوي الي تكدر عليه وخلي النتيجة تطلع مثل ما تطلع
واستغل كل فرصة تجيك و اخذ بالاسباب
و كد ما تحاول وتجتهد راح تشوف مهاراتك وقدراتك تزيد بالتغلب عالعقبات والنتيجة سواء اجت مثل ما تريد او عكس الي تريده
المكسب راح يكون بمهاراتك الي كسبتها
لان المهارات هي الي تساعدك انه تفوز بالقادم
—-
حساب التوعية على الانستاغرام
‏https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال

دكتور علي حسيب استاذ الجراحة يحجي أسطورة يكول بيها في قـــديم الزمان … كان اكو واحد فقير جدا و كانت شغلته الي يسترزق منها هي انه “قُرداتي” هاي…