#المقبلين_على_الزواج
تزوجتوا والف مبروك،
في حال كان السكن مشترك مع أهل الزوج،
لازم تتفقين وي زوجج بشكل واضح وصريح عن موضوع الأطفال ،
اذا مقررين تسوون اطفال
لازم أهل زوجج أيضا يكونون وياكم (مستعدين للاطفال)
واذا انتوا قررتوا بدون اطفال، وبدت العمه تلح
اكعدوا احجوا سوه، عادي يصير والله مو عيب
على شنو تحجون؟
1. الطفل مو لعابه، يريد سهر ومدارة
2. الطفل حقة رضاعة طبيعية من أمه ، مو نشمرة ع ممه خاطر الجنة تلحك تمسح وتلمع وتسوي ريوك وغده وعشه وجاي وكيك وبسبوسه وزنود الست 🧹
3. وجود طفل حديث ولادة يعني ممكن جدا الجنه ما تشوفوها لان بليل سهرانه وصبح يلا تلحك تنام ، مو يشتغل الزعل والعتب وشدعواها
4. من يكبر الطفل شوي ويبدي يزحف ، لازم الأغراض تنشال مو النهار كله تصيحون تعاي شيلللللي وتعاي شوفي ابنج 😕
5. من يبدي يمشي ويركض من حقة يتحرك، مو كلساع كافي اكعد ودوختنا ..
6. الطفل مايحتاج موبايل وتلفزيون ❌📱
7. لا 24 ساعة متشغلين تلفزيون أغاني📺
8. لاكل شوي تعال باع يوتيوب💻
9. من يبدي يحجي ، مو كلساع اسكت اسكت دوختنا😐
10. ابنكم مايحتاج 10 نساتل باليوم و13 جيس جبس❌🍫
11. الحب مو بفرط التدليل ، الحب بالتربية الصحيحة👍
12. مو من تزعلون وي ابنكم لو وي جنتكم، تطلعون قهركم بالطفل ! تره هاي ميسويها إلا الي عنده مرض نفسي😬
13. اذا الطفل خربط مو نهاية العالم ولا يعني قيام الساعة، كل الأطفال تخربط وكلشي يتصلح 🙄
14. الأم مو وظيفتها حراسة الاغراض الثمينة. كل واحد ينته على اغراضة 🕵️
15. الطفل من حقة يتحرك🕺
16. لا كلساع اكعد❌
17. الطفل يحتاج يتحرك 🏃
18. وقت تطلبون من الأم شغله، حلو التعاون ، يعني مثلا وحده منكم تلعب وي الأطفال بينما هي تسويلكم الشغلة🤝
19. سالفة خلي جهال ع تلفزيون وكومي اشتغلي هاي شغله كلش خطا.. 📺❌
20. من يتشخص الطفل تاخر وواصل عمر 3 سنوات وهو يدوب يكول ماما .. ساعتها تعرفون شنو قيمة شغل البيت والتلميع المبالغ
21. الكلمة الأخيرة فيما يخص الطفل هي للاب / للام يعني للوالدين ، مدام همه موجودين وعايشين ويتنفسون هوه رب العالمين، مع احترامنا للكل وللعمات والخالات والاجداد.. مو من حقكم تدخلون بشي الأم والاب مقرري وخلص ❌🤚
22. من تدخل فيما لايعنيه لاقى ما لايرضية، الأم والاب وضحوا هذا الشئ للكل، مصلحة الطفل وصحته وسلامته فوق الجميع .. مو خل يباوع 13 ساعه تلفزيون خاطر عمه لاتزعل ماكو هيج شي 😅
23. لاتبتزون الأطفال عاطفيا، يعني مو سوي واحبك، ولاتسوي وما احبك ❌
24. من الكبار بالعمر يكولون رئيهم بشي معين، نحترمهم ونحطه ع راسنا بس من يتعارض وي سلامه الطفل، لا عذرا .. لان المسؤولية هي مسؤولية الأم والاب 👫
22. الامهات بالبيت المشترك المساعدة حلوه، ومثل ما انتي الج حقوق عليج واجبات، ومن اهم واجباتج رعاية ابنج وزوجج، وتقديم العون من تشوفين عمتج تعبانه كليلها محتاجه شي، احجيلها كلمة لطيفه (كواج الله)
23. دزي ابنج (حفيدها) يبوسها ويكولها احبج
24. من يكبر ابنج / بنتج ويتعلم الكلام عيب جدا جدا تتكلمين بكلام محلو عن بيبيته / جده حتى لو الحگ وياج..
25. خلوة يتحرك 🏃
خصم الكلام ( الخلافات العائليه تبدي وتموت يمكم لاتورثون عقدكم للأطفال)
البيت المشترك بيت سعيد ، من يكون فعلا مشترك مو (حلبة مصارعة والبقاء للاقوى 😅)
د.اسماء اسماعيل البدري
