اخر اخبار كورونا
ايطاليا دخلت الموجة الثانيه بامتياز
ايطاليا سجلت ٣٠ الف حاله بكورونا اليوم
الرقم مثل ما تشوفوه بالمخطط اعلى من اعلى رقم بعز الازمه بوقتها
الوفيات بايطاليا اقل من الموجه الاولى
ايطاليا هي اكثر دوله تاثرت بالموجه الاولى و لما اجه دور الموجه الثانيه كانت اقوى
ماكو دوله كدرت تحصل مناعه مستمره
ماكو شي اسمه يمعود سهلها كلها صار بيها
احنا حتى اذا صار بينا كورونا بكد ايطاليا فكذلك ورانا شتاء طويل
قررنا نتعايش ويه المرض اوكي
بس نحذر
نتمنى الشتاء الجاي يعدي على خير على عراقنا
نذكر بالاساسيات
كبار السن هم قلقنا
اهم من لبس الكمامه هو التباعد الاجتماعي
٨٠ الى ٨٥ من حالات كورونا بسيطه و ما تحتاج علاج
٥ الى ١٠ بالميه تحتاج اوكسجين و دخول مستشفى
٥ بالميه تحتاج انعاش رئوي
نحافظ على اهلنا قدر الامكان
د. سيف سمير البياتي اخصائي طب الاطفال
