اذا ما اوكل طفلي باكلا اكون حميته من داء الباقلاء؟
ابدا هذه الجمله مو صحيحه
لسه اتذكر من نزلت اول بوست بخصوص داء الباقلاء
و عدد كبير من التعليقات تفاخر انه هم ما يوكلون اولادهم باقلاء !
بيومها كانت بنتي عمرها ٦ اشهر و كان غداها بذاك اليوم من ضمن مكوناته باقلاء
داء الباقلاء هو يصير نتيجه نقص انزيم ماله علاقه العمر بادخال الباقلاء
لان اني معالج و شايف حالات اكثر من عدد اصابعي لبالغين بعمري و اكبر من عمري عدهم صار تكسر بداء الباقلاء
تخاف من داء الباقلاء ؟
لا توكل طفلك باقلاء
بس لا تكول انه اني ما وكلته باقلاء اذن اكون حميته فالنقص موجود و ماله علاقه بعمر
تحب الراي الصحيح ؟
سوي تحليل لداء الباقلاء لطفلك قبل ما توكله باقلاء
او اذا مسوي فحص الغربله بمختبر اهلي و كانت النتيجة سليمه اذا تكدر توكل باقلاء ( فحص الغربله الحكومي ما يشمله )
د. سيف سمير البياتي اخصائي طب الاطفال
