هواية امهات يسمعن هالعبارات يومية من اقاربهن ونسوان المنطقة ومن كل امرأة تزورهم خطار
ابنج ليش هلكد اكله قليل؟
ابنج شكد وكيح؟
اشو ابنج ما يحترمج؟
هلكد موسخ نفسه وانتي عايفته بلا عقوبة شكد خلكج طويل لعد!!
ابنج مايع و دلوع ليش؟
شون ابنج صار عمره ٣ سنين وبعده ميعرف الألوان والاعداد والحروف!؟
هاي العبارات هي سبب عصبية الأمهات، بحيث بدل ما الام تركز بتربيته مراح يجي ببالها غير كلام الناس وتبدي تتعصب وتضرب بطفلها حتى تعدل سلوكه و تخلي الناس تسكت وميحجون عنها!
عوفوا الأمهات بحالهن بلا انتقاد و تجريح و انتقاص من اطفالهن، التنبيه والتعليم ميجي بهالاسلوب الانتقاصي الي يقهرها ويحسسها بالفشل
رسالة التوعية تكدرون توصلولها بلا ما تخلوها تحقد على طفلها بسببكم
—-
حساب التوعية على الانستغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
