جمعتكم مباركة متابعينا الكرام….
اليوم مراح احجيلكم شي متعلق بالصحة…
بس حابة اسولف وياكم على التفكر بالنِعم الي عدنياها، والي مع الاسف ماتجي على بالنا الا لما نفقدها….
شكرا لله على ماوهبنا من صحة، وعافية وتمام الخلقة، وعائلة واموال….. الخ، نِعم لاتعد ولاتحصى❤️
🔅🔅هم مريتوا بموقف خلاكم تحسون بقيمة شي معين ماسبق وشعرتوا بيه؟ 🤔
اني دائما اشكر ربي على نعمة الصحة، انه اكدر امشي انه اكدر اشوف واتذوق الطعام واسمع الاصوات، وانة عندي ايد اكدر اشتغل بيها بس مثلا مافديوم فكرت انه مثلا كل ايد شنو تسوي وشون نحس بقيمتها الا لما انكسرت ايدي اليسرى، اول شي خطر ببالي انه الحمدلله، ايدي اليسرى مو اليمنى، بعدين اكتشفت بعد ماحطولي التجبيرة انه الايد اليسرى تشتغل بكد الايد اليمنى اذا مواكثر… فالحمدلله على الصحة والحمدلله على كل شي…..
التفكر بالنعم هي احدى الطرق للتفكير بإيجابية، ماكو احد بينا ماتمر علية لحظات صعبة يفكر ليش هيج ديصير وياة…. بس لمن نفكر بالكم الهائل من النِعم الي عدنياها، فقدها غيرنا راح تتغير نظرتنا للحياة♥️♥️
#فلنتفكر
تحياتي
د.همسة الدهان
#همسة_الدهان
