عندي اولاد بمختلف الفئات العمريه
اكيد كاطفال يحبون يتصرفون ببساطه كاطفال و يشترون مشروبات غازيه او عصير
اطفالكم كذلك يحبون يتصرفون على طبيعتهم و يشوفون ابن عمهم و بنت عمهم يشربون بيبسي و عصير و يشترون جبس
شنو الطريقه شون امنع؟
هم بالاخير اطفال اكو طريقه ؟
نبدي الجواب باسم الله
اولا قبل الجواب انت منعت نفسك منها ؟
يعني انت ما تشرب مشروبات غازيه و لا العصير الصناعي
خلص اذا انت القدوه انتهى الموضوع نروح للجواب
الجواب حيكون بايضاح الصوره كامله
اوك يا ابني راح اشتريلك بيبسي او مشروب غازي اللي طلبته
لون العصير تدري هو لونه الحقيقي غير شكل؟
حتى ريحه العصير اللي يضيفوها هي مو عطره الحقيقي
انت تصدك انه اللي على الجبس هي بهارات مصنوعه من الفلفل
انت تدري شكد مضر بصحتك هذا العصير ؟
هذه تتوضح للطفل
توضحله شنو الجيد و شنو السيء
تخاف على طفلك ما ينحرم
اشتري الشغله الصناعيه و فهمه انه هذه شغله صناعيه و انه احنا راح ناكل شغله خطا و انه اكل البيت اصح و افضل
اصنعي الاكل بالبيت قدر الامكان و امدح بالاشياء الطازجه
اي مثل ما دائما اكول اي طبعا النستله اطيب من تفاحه
بس فوائد التفاحه اكثر بهوايه من النستله !
فهمه عن الاصباغ الصناعيه
فهمه شون ياثر السكر على اسنانه
و على الدهون
كلنا نخطا
و كلنا نحب بعض الاشياء اللي ندري بيها خطا
مثلا انت ماجله قراءه كتاب حتى تتصفحين موبايلك
و انت ماخر شغلك حتى تلعب بوبجي
كلنا مخلين شغلات ليوم اخر كان ممكن تنفيذها اليوم
اي جيب الاشياء الخطا من العصير و البيبسي و الجبس مره كل ١٠ ايام
بس خليه يفكر ١٠٠ مره قبل ما ياكلهن او يشربهن
بهذه الطريقه طفلك راح يعرف انه اللي دا يسويه خطا و هو يعرف انه خطا و انه راح يقلل من هذا الخطا
راح يعرف انه شي حلو يعني موز او تفاح او عنب او زبيب
راح يتعلم الصح صح و الخطا راح يتقلل قدر الامكان
هذا طبعا اذا كنت انت تعرف الخطا و الصح
فالخطا و الصح نسبي
و الكثير من الاباء و الامهات مفهموهم اصلا مشوه و غير صحي
خليكم دائما بامان
د. سيف سمير البياتي اخصائي طب الاطفال
