#التربية
✨يمه اخلي ابني وحيدي ياكل بيده؟
لعد اني شنو شغلي!
✨يمه اخلي ابني وحيدي يغسل بوحده؟؟
لعد اني شنو شغلي!
✨يمه اخلي وليدي يسد دكمه!!!
غير اني اسدهن ! بعد روحي
✨يمه تردين اعوفه يشد القيطان!
وليش ديكسر ظهره! اني اشده
بعد سنوات…
◀️ماماااا لكحيلي كتلوني بالمدرسه!
شنوووو يكتلون ابني !! اني اعلمهم … وثاني يوم تروح تركض للمدرسه وتوكف تصررخ وتزمجر بالجهال لان كتلوا ابنها!
وابنها خاتل وراها ..
◀️ماما صديقتي عافني
خل يولي … وين يكله مثلك ! هو الخسران
◀️ماما عجبتني بنيه بس متباع عليه اصلا
خل تولليييي اني الكيلك احسن منها .. اصلا انت الف من يتمناك!
◀️ماما … مرتي تكول نطلع للسوك العصر
شعدها الخانم يوميه تخور.. اكتب المسواك اني اجيبه لاتطلع ولا تعب نفسك
◀️ماما … مرتي تكول حروح لبيت اهلي انت كلش فاهي وكلشي متدبر!
خل تروووح سبع حجارات وراها … طلكها… وازوجك اغاتها !!
للاسف ..🛑
المبالغة في الاهتمام والتدليل .. لن يساعد طفلك ان يكون شخص ناضج.. سيكون اناني ، عاله
المبالغه في الحمايه ستجعله هش ينكسر لاقل ضغط
المبالغة في التدخل.. ستجعله عديم الشخصيه
هذه ليست تربيه!
هذه طريقه صنع انسان اناني اتكالي مجرد من المسؤليه فارغ ..
التربيه تبدا من اول يوم
من اول لقمه طعام
من اول لبسة حذاء
من اول كتله ياكلها بالمدرسه
لاتجعل طفلك فاقد القدرات … ينتظر منك كل شي!
قوي طفلك… شجع طفلك… ادعمه.. سانده …
وازن بين الاهتمام … وبين تحميل المسؤلية ..
العالم صعب وموحش! يحتاج انسان سوي وقوي
قادر على اداره حياته، قياده مشاريعه، حل مشاكله
الطفل لن يتعلم المشي اذا لن يسقط
⚠️اذا كنت تفضل ان لا يسقط ابدا… تذكر … اذن سيكون طفلك مقعدا
د.اسماء اسماعيل البدري
