اليوم نحجي موضوع جريء شويه
اليوم هو عن تحضير البنات الصغار للبلوغ
قبل كم يوم كانت الطفله تلعب ملاعيب و لعبات و اليوم صار عمرها ٨ إلى ٩ سنين و بدت بعض التغييرات بجسمها
فكيف نحضر البنوته الطفله الصغيره لهاي التغييرات
قبل ما تحضريها اولا تأكدي من معلوماتك عن الموضوع
..
.
١. جاوبي كل التساؤلات و الاستفسارات باريحيه كبيره و بصراحه واضحه
كل اسئلتها لازم تتجاوب و انت افتحي المواضيع اللي تخص الفتره القادمه و التوقعات اللي تصير بالتغييرات الجسديه
٢. تكلمي عن الموضوع مبكرا
بعمر ٨ سنين مثلا
انه انت راح تكبرين
و راح تصير اكو تغييرات لجسمك قريبا
٣. تحدثي عن الدوره الشهريه قبل ما تصير ؛ الكثير يوصفوها بالتعيسه و المقرفه و غيرها من الكلمات أبدا لا تستخدميها لهذه الكلمات
ممكن يكون منظر الدوره الشهريه مخيف للبنيه الصغيره
العمر التقليدي هو ١٢ إلى ١٣ سنه
اتكلمي عن الموضوع قبل هذا العمر
٤. كوني عمليه
البنوات الصغار يكونون عمليات جدا و يحيرون بالتفاصيل
يعني مثلا شنو البس حتى ما تبين التغييرات اللي صارت
او مثلا شنو اسوي اذا صارت الدوره بالمدرسه
٥. طمني دائما
طمني انه اكو اختلافات كبيره بين بنت و بنت و يعني ممكن تتاخر اول دوره شهريه إلى عمر ١٣ سنه و ممكن تصير بعمر ١٠ سنين لذلك طمنيها انه اكو اختلافات هوايه بين البنات بالبلوغ
الهدف من تنزيل البوست هو أنه في دراسه جديده بامريكا تبين انه اغلب البنات غير مجهزات جيدا لهذه الفتره و بالتالي تكثر المشاكل النفسيه
د. سيف سمير البياتي
اخصائي طب الأطفال
الصوره لبنيه وثقت بلوغها و تغيراتها الجسديه خلال ٤ سنين فقط ( مجرد ورده و انفتحت )
الله يحفظ بناتكم
