عندي ولد الله يحفظه اسمه حسن
حسن اول ابتدائي و مثل ما يسموه ( ضعيف )
حسن وزنه اقل من المعدل و طوله زين فصاير بصورة عامه ضعيف الهيئه
المهم جبتلكم جدول اكل حسن ليومين من باب الاطلاع على تجارب الاخرين
البارحه كان فطوره حليب باكيت
هذا بيض هذا ما اعرف ايش ما عجبه
خلص عبرنا وجبه
الغداء ما عجبه علما انه كان متنوع اكل ربع رغيف خبز و بس
العشاء كان نصف رغيف خبز
خلص
خلال يوم كامل اكل ٣ ارباع رغيف خبز و كوب حليب
لا توترت و لا اهتميت خلص
اليوم صبحنا الصبح
الفطور كان حليب و بيض و كورن فلكس
وراها موز و تفاح
الغداء تمن و لبن و قطعه دجاج
العصر فواكه مره اخرى
العشاء معكرونه و قطعه لحم
اي مثل ما قريتوا
يوم ما اكل و لا شي و يوم اكل ما شاء الله
هذا هو الطفل
و لانني انا البالغ مو هو
اني اللي اعرف انه الطفل تتغير شهيته يوم بعد ما اخر
ما توترت و لا تاثرت و لا اهتميت
يوم ياكل زين و يوم ما ياكل
حسن ما ياخذ فيتامينات عدا فيتامين دي
و بس
هيجي اريدكم تفهمون اولادكم
و هيجي اريدكم تتعاملون ويه اولادكم
انتوا لو دائما تشوفوهم مثل ما تشوفون نفسكم
كان هوايه من مشاكلكم و مشاكل اولادكم الصحيه و الغذائيه حلت
دمتم بود
و تصبحون على خير
د.. سيف سمير البياتي اخصائي طب الاطفال
