كيف تكون والد او والده جيدين؟
و على مختلف الفئات العمريه
١. قدم الحب بدون شروط
اكيد ما اوصيكم بحب اولادكم لان هذا شي فطري بس اظهروا لهم الحب
بوسوهم هوايه
و احضنوهم هوايه
دائما اكدوا الهم انه انتوا تحبوهم بدون قيد أو شرط و بكل الحالات
٢. قدر طفلك و اللي يسويه مهما كان صغير . هذا راح يحفزهم أكثر و أكثر
٣. لا تقارن لا تقارن لا تقارن
ابدا لا تستصغر و تقلل من شان طفلك بالمقارنه( المهمه المستحيله بالعراق )
٤. أبدا لا تفضل طفل على طفل آخر
٥. التواصل
خلي وقت ثابت من اليوم للتواصل بعد الرجعه من المدرسه وقت العشاء او اي وقت آخر
٦. نظم قوانين البيت
خلي قوانين ثابته
مثل لا شاشات وقت الاكل
او وقت نوم ثابت
هذه القوانين غير قابله للكسر أبدا
و اكيد العقوبه موجوده في حال كسر القوانين
٧. شاركهم لحظاتهم المميزه مثل حفله التخرج او غيرها
٨. كن انت المثل الأعلى
الأطفال يتعلمون مننا
ابني عصبي و ابوه شونه؟ هم عصبي
يعني تعلم العصبيه من طبيبه مثلا؟
ابني غير مرتب و بيتك شونه؟
و لا الحك ارتب
و شون تردين طفلك يترتب و انت بيتك هوسه؟
٩. كن انت بمكان طفلك و تذكر طفلك
يعني اكو أهل يضربون اطفالهم حتى ينامون او ياكلون
و هذا الطفل يكبر و هسه انت الاب او الام
تذكر قبل ما تقسو على طفلك شون كنت تنضرب من قبل اهلك او تنجبر على الاكل او النوم
ها شونه الاحساس؟
الاحساس أبدا ما حلو و لا مشجع
١٠. علمهم المشاركه و حب الناس و حب باقي الأطفال و الاختلاط
لا لجمله بس اولادي و الانانيه
ما هو المقابل هم راح يكول بس اولادي !!!
علمهم المشاركه و اللعب الجماعي
علمهم يباوعون بالعين من أحد يحجي وياهم و يحترمون المقابل
١١. علمهم الاستقلاليه
و هذا اذا ملاحظين هذا هدفي بكل بوستاتي الكم
علمهم الاعتماد على نفسهم دائما و ابدا و مبكرا
لا تجبرهم أبدا على اتباع خطواتك
د. سيف سمير البياتي اخصائي طب الاطفال
