فعاليات الطفل باول 6 اشهر مو مقتصره انه الطفل ينام على ظهره و نسولف وياه
ابدا
راح اكتب بالاسطر الجايه على وحده من الفعاليات اللي يصرون عليها الاطباء الأمريكان و هي اللعب على البطن
او وقت البطن
#tummy_time
ليش هذا الوقت مهم؟
❤و ليش نخلي الطفل على بطنه مهم
هذا الوقت مهم حتى نقوي عضلات البطن
اللعب على البطن يعزز و يقوي عضلات الذراع و الرقبه
❤ هذا الوقت يخلي الاطفال يستكشفون مساحه جديده منظر اخر جديد
زوايا اخرى
مو بس عينهم و السقف
.
.
اي عمر اكدر ابدا؟
اي عمر عادي
من اول يوم عادي
شنو المشكله
بس تذكر ان الطفل كاعد مو نايم و هو يلعب
.
.
كم دقيقه اخليه على بطنه؟
ماكو وقت معين
كم دقيقه كافي
و كم مره باليوم
مو بس مره وحده
خصوصا بالبدايه
بس بصوره عامه انصح انه يكون
10 دقايق باليوم ككل باول شهرين
بعد ال ٤ اشهر تكدر تخليه على بطنه يلعب مده 90 دقيقه
اكيد ال 90 دقيقه مو جره وحده و انما مقطعه مثلا بين تغيير الحفاظات او للعب
.
.
تحضيرات معينه؟
تأكد انه طفلك مو نعسان او تعبان او ضايج
.
.
تحذيرات معينه؟
هذا الوقت مهم بس دير بالك ينام الطفل او انت تنام و يختنق الطفل
.
.
شون ابدي؟
راح اكتب بالنقاط شون نعلم الطفل على اللعب و هو متمدد على بطنه
❤ بعمر 6 اسابيع خليه على بطنك او على صدرك
يسموه
Tummy to tummy
و هم يلعب وياك و تشوف وجهه و هم مستفاد انه هو حاليا دا يقوي عضلاته
❤ احمله على ذراعك و هو نايم على بطنه و عادي افتر بيه البيت و هم يقلل المغص
❤ اقرا لطفلك و هو نايم على بطنه
خلي كتاب كدامه و خليه يقرا
الكتاب خليه ع مسافه 15 الى 25 سم
❤ من عمر ٦ اسابيع الى ٣ اشهر
احمل طفلك بكلتا يديك و انت تسند بطنه او صدره
❤ تكدر بهذا العمر تخلي قطار او سياره تتحرك كدامه و هو يباوع عليها و هو متمدد على بطنه
❤ خلي شرشف او وساده خفيفه او منشفه تحت صدره و هو متمدد على بطنه
❤ بعمر اكبر من 4 اشهر تكدر تخليه يلعب بمرايه و هو يتفرج و يشوف شكله عليها
❤ تكدر تخليه يلعب بلعبه ملونه و هو مستلقي
❤ الغميضه لعبه جدا يحبوها تكدر تستخدمها كطريقه تخليه ينام ع بطنه
د. سيف سمير البياتي اخصائي طب الاطفال
