تقرحات الفم
او مثل ما نسميها عراقيا بالفراكيس
أسبابها هوايه
من الالتهابات الفايروسيه إلى الالتهابات الفطريه إلى الأسباب النفسيه و غيرها
هنا مثل عادتي حبيت اصدمكم بطريقه العلاج
العلاج يتلخص بنقاط
١. إعطاء السوائل البارده المثلجه او قطعه ثلج صغيره او لبن بارد او حليب بارد
اللي خلاني اكتب هاي النقطه اولا هو انه هوايه من مراجعيني يكون عند اطفالهم تقرحات بالفم و من اكولهم انطوهم شي بارد
يكولون دكتور شووون مو بلاعيمه
و لهذا اكول الأشياء البارده رأسا تحسنه و تخليه المكان اقل الما
هذا طبعا فيما يخص التقرحات الفمويه طبعا
اما في حالات التهاب اللوزتين ففعلا المشروبات الساخنه افضل من الأشياء البارده لازاله الألم و الحرقه
التفريق بينهم جدا سهل و الصوره توضح شكل التقرحات الفمويه
٢. استخدام شراب مضاد الحموضه
اي نعم
مثل شراب كافيسكون او مالوس
او اي شراب مضاد للحموضه متوفر
اما بوضع قطرات على التقرحات اذا كان طفلك صغير
او بالطلب من طفلك الغرغره بمضاد الحموضه اذا يكدر يتمضمض
و الكميه هي ٥ سيسي
٤ مرات يوميا
بعد الطعام
٣. ممكن استخدام الجل المخدر او البخاخ المخدر اذا كان عمر الطفل أكثر من ٤ سنين
٤. ممكن إعطاء الادويه المسكنه للطفل
مثل الباريستول و البروفين ( لا يعطى البروفين لإعمار اقل من ٦ اشهر او اذا كان عند الطفل تحسس قصبات او ربو ) لتعارضه مع حاله الطفل
تحياتي الكم
د. سيف سمير البياتي
اخصائي طب الأطفال
#تقرحات_الفم
