ابني ما ياكل
ابني ضعيف
ابن بنت خالتي هالكبره و فوكاها حليبه رخيص و مال جياس !
شون يسمن ابني ؟
اريد مقويات !
اريد فيتامينات !
اريده ياكل اكثر
و هلم جرا
من الاسئله اليوميه لكل طبيب اطفال
اولا لا تقارنين اصلا مو لائق لان يدل على الغيره
ثانيا عيب تكولين اريده يسمن لان التسمين يتم لغير مخلوقات مو للبشر
ثالثا
باعي على نفسك
انت بحجم اختك ؟
انت بحجم اخوك؟
اي نعم ماكو بشر يشبه بشر
احنا مختلفين بالطول و الوزن و حجم الراس و لون البشره و لون العيون حتى لو توائم
فكيف بالاطفال
كل طفل يكبر بمعدل يختلف عن الاخرين
ثم منو كال السمن عافيه !
ما السمن اصلا مرض حسب تصريح منظمه الصحه العالمية
الوزن و الطول و الضخامه و النحافه اشياء يتحكم بيها عناصر اكثر من الاكل مثل الجينات و الهرمونات و وقت البلوغ
اهم شي بالطفل انه نموه طبيعي و وزنه طبيعي و كاعد يزداد في حدود المقبول لا اكثر و لا اقل و يلعب و يتحرك و ما عنده مشاكل صحيه
اخر شي كم نصيحه :
لا تجبر على الاكل لان كرهتوهم بدنياتهم و بنفسهم
لا تجبره يخلص صحنه اتركه على راحته
لا تسويهم سمان و بعدين يصير بيه سكر من يكبر لان هذه مسؤوليتك
د. سيف سمير البياتي
اخصائي طب الاطفال
ابني ضعيف
ابن بنت خالتي هالكبره و فوكاها حليبه رخيص و مال جياس !
شون يسمن ابني ؟
اريد مقويات !
اريد فيتامينات !
اريده ياكل اكثر
و هلم جرا
من الاسئله اليوميه لكل طبيب اطفال
اولا لا تقارنين اصلا مو لائق لان يدل على الغيره
ثانيا عيب تكولين اريده يسمن لان التسمين يتم لغير مخلوقات مو للبشر
ثالثا
باعي على نفسك
انت بحجم اختك ؟
انت بحجم اخوك؟
اي نعم ماكو بشر يشبه بشر
احنا مختلفين بالطول و الوزن و حجم الراس و لون البشره و لون العيون حتى لو توائم
فكيف بالاطفال
كل طفل يكبر بمعدل يختلف عن الاخرين
ثم منو كال السمن عافيه !
ما السمن اصلا مرض حسب تصريح منظمه الصحه العالمية
الوزن و الطول و الضخامه و النحافه اشياء يتحكم بيها عناصر اكثر من الاكل مثل الجينات و الهرمونات و وقت البلوغ
اهم شي بالطفل انه نموه طبيعي و وزنه طبيعي و كاعد يزداد في حدود المقبول لا اكثر و لا اقل و يلعب و يتحرك و ما عنده مشاكل صحيه
اخر شي كم نصيحه :
لا تجبر على الاكل لان كرهتوهم بدنياتهم و بنفسهم
لا تجبره يخلص صحنه اتركه على راحته
لا تسويهم سمان و بعدين يصير بيه سكر من يكبر لان هذه مسؤوليتك
د. سيف سمير البياتي
اخصائي طب الاطفال