#التربية ⁦🖍️⁩البحث عن الثناء ⁦🖍️⁩السعي الدائم للوصول الى المثالية ⁦🖍️⁩انخفاض التقدير الذاتي شايفين الشخص الي يسوي أي شي (زين وموزين) ، في سبيل يحصل على ثناء؟ مثال شخص بالعشرينات من عمره: يقدم اصدقاءه على نفسه، يقدم اهله على نفسه، يقدم المدير على نفسه، يقدم جيرانه ع نفسه، واذا خطأ بالشغل أو أي باي شي مستعد يسهر الليل كله ويعوف الاكل ويعوف كلشي بس حته يصلح هذا الخطأ..ويستمر سنواااات على هذا المنوال للأسف هالشي حتى وان كان يبدو جيدا، فهو خطأ كبير يرتكبه الانسان بحق نفسه لازم الانسان البالغ يتعلم يكول لا، وبادب من يعرف أن هذا الشئ حيعود بالضرر عليه زين هسه شنو رباط سالفتنا؟ رباط سالفتنا الامهات الي تقدم كل شي على نفسها، تقدم بيتها ، زوجها، ابناءها، شغلها ….(على حساب نفسها) واخر شي تصفى تباع على نفسها وقد اكل الدهر عليها وشرب، ومكدرت تطور أي شي من نفسها، ⁦◀️⁩وهي شخصيتها مو من النوع الي تشعر بالرضا والاكتفاء عند الوصول إلى نقطه (تزوجت وصار عدها أبناء)⁦▶️⁩ او تدخل بازمة منتصف العمر ،، الي هي تصير بعمر الخمسينات من الانسان يحس عمره ضاع منه.. ويبدي يريد يتلاحك على ماتبقى، ويكوم يسوي تصرفات مراهقين واطفال وتصرفات مخجله ، بس حته يعوض الأشياء الي حس فاتته نجي للواقع ⁦🖍️⁩الواقع يكول أول 3 سنوات من يجيج طفل توقعي هذا الشي(بنسب متفاوته) انه تنسين نفسج القديمه ⁦🖍️⁩الواقع يكول انسي المثالية مدام عندج اطفال صغار ⁦🖍️⁩الواقع يكول تنازلي، وتنازلي لخاطر اطفالج ، مالهم ذنب ، هذا حقهم حاليا ، مدام بعدهم صغار 🟠بس انتبهي لاتستمرين … لازم تعرفين 🟣(ولنفسك عليك حق)🟣 لازم تتعلمين تخصصين شي لنفسج، تكلمي مع زوجج وكليله ✨الي يوم بالاسبوع، ✨ساعه باليوم، ✨ يومين كل شهر إياً كان لازم. وضروري والا حتوصلين مرحله تكرهين اطفالج، وبيتج ، وزوجج… لان فقدتي نفسج … الاكتفاء بالثناء وره كل هاي الأعمال الي تقدميها على حساب مصلحة نفسج، غير كافي، و شعوره جدا مؤقت.. وحتشوفين نفسج تحتاجين بعد وترجعين تقدمين تنازلات.. وترجعين تنصدمين انه محتاجه بعد… 🔴وللاسف الحقيقه تكول محد يكدر ينطيج تقدير لنفسج غيرج انتي 🔴انتي من داخلج لازم تكونين مقتنعه بالعطاء مالتج ومتصالحه مع نفسج … 🔴وتسمعين لنفسج وتنطيها استحقاقها، او حتى لو جزء منه اقصد بالاستحقاق(هي حاجات انتي تحبين تسويها لنفسج ، ولنفسج فقط .. سواء تسوق، نوم، قراءه كتاب، طلعه مع اصحابج، اكله معينه ، وغيرها من الأمور البسيطه إلى المعقدة منها اداره مشروع، أو تطوير عملج الخاص ) زين هالشي هم يكتسب بالطفوله؟🙄 نعم للأسف الطفل الي بكل عمل زين ينتظر مقابل، هي هاي بدايه هاي الحاله يعني هو ممقتنع بالي ديسوي، ودينظر الثناء حته يقنع نفسه 🌠من طفلك يجي فرحان بالرسمه، ويكلج ماما شوفي… حلوه؟؟؟ وعيونه تلمع👀 كاعد تدور المدح منج ابتسمي،🙂 وكولي له انت شتكول؟ هو ممكن يصفن. او يكول محلوه او يكلج حلوه شجعي أن يعبر عن شغله بالي هو يشوفه، مو بالي انتي تشوفي🚫 وراها كولي له اني اشوفها حلوه، أو انطي أي ملاحظه أخرى ممكنه👍(لونها باهت, لونها غامق، سوي تفاصيل اكثر …. الخ) هاي شوكت؟ هاي من يسالج من تحسي يبحث عن المدح باقي اليوم مدحي بدون مايطلب .. كلما تشوفين هو مستحق المدح حته تقوين استحاقه الذاتي، وتخلي يحس هو شخص يستحق وهو شخص جيد . 🔴بس لاتبالغين … خصوصا بعد عمر ال3 سنوات .. حته لا يصير عنده طبع مايسوي شئ الا يسمع منج مدح 🚫 هدفنا طفل مستقر بذاته، مو مستقر بوجود أمه، ومو مستقر لوجود المدح مع مودتي 🌷 د.اسماء إسماعيل البدري

#التربية

⁦🖍️⁩البحث عن الثناء
⁦🖍️⁩السعي الدائم للوصول الى المثالية
⁦🖍️⁩انخفاض التقدير الذاتي

شايفين الشخص الي يسوي أي شي (زين وموزين) ، في سبيل يحصل على ثناء؟

مثال شخص بالعشرينات من عمره:
يقدم اصدقاءه على نفسه،
يقدم اهله على نفسه،
يقدم المدير على نفسه،
يقدم جيرانه ع نفسه،
واذا خطأ بالشغل أو أي باي شي مستعد يسهر الليل كله ويعوف الاكل ويعوف كلشي بس حته يصلح هذا الخطأ..ويستمر سنواااات على هذا المنوال

للأسف هالشي حتى وان كان يبدو جيدا، فهو خطأ كبير يرتكبه الانسان بحق نفسه

لازم الانسان البالغ يتعلم يكول لا، وبادب
من يعرف أن هذا الشئ حيعود بالضرر عليه

زين هسه شنو رباط سالفتنا؟

رباط سالفتنا الامهات الي تقدم كل شي على نفسها،
تقدم بيتها ، زوجها، ابناءها، شغلها ….(على حساب نفسها)

واخر شي تصفى تباع على نفسها وقد اكل الدهر عليها وشرب،
ومكدرت تطور أي شي من نفسها،
⁦◀️⁩وهي شخصيتها مو من النوع الي تشعر بالرضا والاكتفاء عند الوصول إلى نقطه (تزوجت وصار عدها أبناء)⁦▶️⁩
او تدخل بازمة منتصف العمر ،، الي هي تصير بعمر الخمسينات من الانسان يحس عمره ضاع منه.. ويبدي يريد يتلاحك على ماتبقى، ويكوم يسوي تصرفات مراهقين واطفال وتصرفات مخجله ، بس حته يعوض الأشياء الي حس فاتته

نجي للواقع
⁦🖍️⁩الواقع يكول أول 3 سنوات من يجيج طفل توقعي هذا الشي(بنسب متفاوته) انه تنسين نفسج القديمه
⁦🖍️⁩الواقع يكول انسي المثالية مدام عندج اطفال صغار
⁦🖍️⁩الواقع يكول تنازلي، وتنازلي لخاطر اطفالج ، مالهم ذنب ، هذا حقهم حاليا ، مدام بعدهم صغار

🟠بس انتبهي لاتستمرين … لازم تعرفين

🟣(ولنفسك عليك حق)🟣

لازم تتعلمين تخصصين شي لنفسج،
تكلمي مع زوجج وكليله
✨الي يوم بالاسبوع،
✨ساعه باليوم،
✨ يومين كل شهر

إياً كان
لازم. وضروري

والا حتوصلين مرحله تكرهين اطفالج، وبيتج ، وزوجج… لان فقدتي نفسج …

الاكتفاء بالثناء وره كل هاي الأعمال الي تقدميها على حساب مصلحة نفسج،
غير كافي، و شعوره جدا مؤقت..
وحتشوفين نفسج تحتاجين بعد
وترجعين تقدمين تنازلات..

وترجعين تنصدمين انه محتاجه بعد…

🔴وللاسف الحقيقه تكول محد يكدر ينطيج تقدير لنفسج غيرج انتي
🔴انتي من داخلج لازم تكونين مقتنعه بالعطاء مالتج ومتصالحه مع نفسج …
🔴وتسمعين لنفسج وتنطيها استحقاقها، او حتى لو جزء منه

اقصد بالاستحقاق(هي حاجات انتي تحبين تسويها لنفسج ، ولنفسج فقط .. سواء تسوق، نوم، قراءه كتاب، طلعه مع اصحابج، اكله معينه ، وغيرها من الأمور البسيطه إلى المعقدة منها اداره مشروع، أو تطوير عملج الخاص )

زين هالشي هم يكتسب بالطفوله؟🙄
نعم للأسف

الطفل الي بكل عمل زين ينتظر مقابل، هي هاي بدايه هاي الحاله
يعني هو ممقتنع بالي ديسوي، ودينظر الثناء حته يقنع نفسه

🌠من طفلك يجي فرحان بالرسمه، ويكلج ماما شوفي… حلوه؟؟؟
وعيونه تلمع👀 كاعد تدور المدح منج

ابتسمي،🙂 وكولي له انت شتكول؟
هو ممكن يصفن.
او يكول محلوه
او يكلج حلوه

شجعي أن يعبر عن شغله بالي هو يشوفه،

مو بالي انتي تشوفي🚫

وراها كولي له اني اشوفها حلوه، أو انطي أي ملاحظه أخرى ممكنه👍(لونها باهت, لونها غامق، سوي تفاصيل اكثر …. الخ)

هاي شوكت؟
هاي من يسالج

من تحسي يبحث عن المدح

باقي اليوم مدحي بدون مايطلب ..
كلما تشوفين هو مستحق المدح
حته تقوين استحاقه الذاتي، وتخلي يحس هو شخص يستحق وهو شخص جيد .

🔴بس لاتبالغين … خصوصا بعد عمر ال3 سنوات ..
حته لا يصير عنده طبع مايسوي شئ الا يسمع منج مدح 🚫

هدفنا طفل مستقر بذاته،
مو مستقر بوجود أمه،
ومو مستقر لوجود المدح

مع مودتي 🌷

د.اسماء إسماعيل البدري