🌼🌼التفاعل مع الم الطفل🌼🌼
وكع الطفل وتعور واجى يبجي .. 😭
هنا شنسوي؟ وشلون نتعامل ؟
طبعا اكو ناس يتفاعلون بشكل كلش مبالغ يعني الام مثلا دتشوفه واول ما عثر وديوكع عاطت ذيج العيطه 😱وركضت عليه ويايمه وتشيله وتنفضه وعايزها شوي وتبجي 😅
طبعا هنا الطفل حينصدم برده فعل امه اكثر من الوكعه نفسها وحينخرع واخاف مناوي يبجي أو الوكعه خفيفه بهاي الحاله حيطك بجي ويدخل وياها بنفس مود الدراما 😅
واكو ناس كلشش باردين يعني وكع الطفل وكام يبجي وراح أمه أو ابوه ويشكي .. وهنا اصلا محيتفاعلون أو يفشلوه ويكلوله يلا متاذي 😏.. أو بس لتبجي انت رجال😡..
طبعا هالنمطين غلط .. لا نسويها كلش دراما ولا فد مره نلبسه..
طريقة التعامل هي كالاتي:
💡اذا وكع الطفل وكام بدون اي شكوى وبدون ميبجي .. احنا نتجاهل الموقف تماما ولاكانما وكع .. لان هو اصلا ممركز بالوكعه 👍
💡اذا اجى علينا ويبجي نتفاعل وياه ونكله يا تعورت؟ وين الاوا؟ ونبوسها 😘 ونحضنه 🤗ونكله يلا ميخالف هسه شوي وتروح الاوا .. انت بطل ..ولاننكر ولا نجذب عليه ونكله متوجع وهو ديتوجع!! 🙄
💡اذا وكع وكعه خفيفه وفشل منها وكام يبجي من الفشله مو من الالم وبالغ بالبجي.. هنا نحاول نسوي الموقف ظريف أو نشتت انتباهه.. يعني نسوي مثل هوسه أو اغنيه يلا يلا بطل ميخالف سباعي عفيه .. يلا تعال نلعب أو تعال شوف هاي .. ونغلس على الموضوع ✌️😁
مودتي 🌹
د.اسماء اسماعيل البدري