دور الأهل في عادات الطفل الغذائية واحتياجاته الصحية

ليش وصلنا لهالمرحله من العجز و عدم القدرة؟
طفل مصاب بالسكر ما يكدرون امه و ابوه يمنعون البيبسي و المشروبات الغازيه الاخرى من البيت !
طفل مصاب بداء الحنطه ما يكدرون يمنعوه من البسكت او الخبز
طفل صغير مصاب بفقر الدم ما يكدرون يمنعوه من الشاي !
طفله بعمرها ما تشرب مي لان عايشه على شرب العصير و البيبسي و تشرب لترين بيبسي يوميا
طفل عمره 6 سنوات و بعده يشرب الحليب بالمميه!
كان هالشي سابقا موجود عند اهلنا و اهاليكم؟
لو كان الحصار و ضيق الحال هو المانع انه نشوف هيجي مناظر !
فقط بالعراق هذا سوء التغذيه لو بكل دول العالم ؟
فقط بالعراق الأهل ما يكدرون لطفلهم لو بغير دول العالم ؟
ما اعرف شون تاليها حقيقه
اتمنى نعرف انه دورك كأب و كأم مكمل للاخر
و موضوع انه ما اكدر للطفل و بكيف الطفل يلغي دورك المهم اللي هو راع و مسؤول عن رعيتك
د. سيف سمير البياتي اخصائي طب الاطفال