و لما وصل ابنك او بنتك عمر السنة و راح يبدي يمشي
اعرفي انه راح تدخلين منعطف تاريخي رائع 🙄🙄
ريجيم ببلاش
و بعد ما فرحتي و كيفتي بدا يمشي
اللي ما اعرف الفرح ليش لان كميه الركض اللي راح تصير مو طبيعيه 😂😂😂
نرجع نحجي جد
انتبهي اله
اركضي وراه
لا تخليه ابدا وحده
قبل كم يوم طفله عمرها ٩ اشهر غابت عن نظر امها ٥ دقايق لكوها غركانه بسطل المسح و دخلت انعاش
.
كلنا عايشين الحاله لما يغيب طفلك عن نظرك و يروح للمطبخ راح تلكيه منزل كل الجداري و المواعين و الملاعق بالكاع
اما اذا وصل للكجب فراح تلكيه مخليه على راسه و يضحك
عدهم عشق غير طبيعي للاحذيه ( اجلكم الله ) و عادي تلكيه دا يعضهن 😂😂😂
اما اذا شاف المراهم اللي تخليها لحفاظته راح تلكيه ياكل بيه و يعوف الجبن !!!
و عنده الحمام عشق مو طبيعي و يحب جدا اللعب بيه و لا سمح الله ممكن يغرك بيه
اما الكهرباء و نقاطها فيعتبرها العشق مالته
٢٤ ساعه و من نقطه لنقطه
عينه تلمع لما يشوف الموبايل او ريموت كنترول و فدوه لعينه لو يشمرهن من فوك لو يروح يغسلهن الك
نصيحة من طبيب اطفال شايف الطواريء اكثر ما شايف بيته بال ١٥ سنة الأخيره اقفلي كلشي
اقفلي الابواب
الدرج خلي حاجز كدامه
وداعا للاناقه و الترتيب
خلي البيت كانما جامع ما بيه شي ممكن يسببله الضرر
الغذاء الرسمي للأطفال في العمر هذا هو الكلينيكس
عادي عادي
سهل الهضم 😂😂
طول ما هو كاعد عوفي التلفون و لا تندمجين بالتلفزيون..لان باللحظة اللي يغيب بيها عن نظرك يسوي بيها البدع .
الفرن بالنسباله حلم العمر!!! امنيته يدخل جوه و ينشوي ويه الاكل
ملاعيبه اللي اشتريتهن اله تلكيهن ما يعجبنه و تعجبه جدا الدرنفيسات مال ابوه
اما المكياج و اقلام الحمر و الكحل كلش زين اذا بس شخبط روحه لان عادي عنده ياكلهن
عادي جدا و جدا عادي يذب الحفاظه و يظل يفرفر بالبيت ربي كما خلقتني و يوصخ البيت و الاثاث كله
و طبعا انت راح تنظفين
و ربي يعينك و يساعدك
ممكن جدا ياكل اي شي خرزه ترجيه محبس صغير و لا تتفاجئين اذا لكيتيها بالحفاظه ويه الخروج اصلا مفاجئه 🤣🤣🤣
ادري هذا شكلك من تقرين البوست مثل الصوره بس هذا الواقع
خلي عينك عليه ٢٤ ساعه / ٧ ايام بالاسبوع / ٣٠ يوم بالشهر على مدى سنه كامله
و كلها ١٠ سنين و يعقل
هانت
د. سيف سمير البياتي
اخصائي طب الاطفال
اعرفي انه راح تدخلين منعطف تاريخي رائع 🙄🙄
ريجيم ببلاش
و بعد ما فرحتي و كيفتي بدا يمشي
اللي ما اعرف الفرح ليش لان كميه الركض اللي راح تصير مو طبيعيه 😂😂😂
نرجع نحجي جد
انتبهي اله
اركضي وراه
لا تخليه ابدا وحده
قبل كم يوم طفله عمرها ٩ اشهر غابت عن نظر امها ٥ دقايق لكوها غركانه بسطل المسح و دخلت انعاش
.
كلنا عايشين الحاله لما يغيب طفلك عن نظرك و يروح للمطبخ راح تلكيه منزل كل الجداري و المواعين و الملاعق بالكاع
اما اذا وصل للكجب فراح تلكيه مخليه على راسه و يضحك
عدهم عشق غير طبيعي للاحذيه ( اجلكم الله ) و عادي تلكيه دا يعضهن 😂😂😂
اما اذا شاف المراهم اللي تخليها لحفاظته راح تلكيه ياكل بيه و يعوف الجبن !!!
و عنده الحمام عشق مو طبيعي و يحب جدا اللعب بيه و لا سمح الله ممكن يغرك بيه
اما الكهرباء و نقاطها فيعتبرها العشق مالته
٢٤ ساعه و من نقطه لنقطه
عينه تلمع لما يشوف الموبايل او ريموت كنترول و فدوه لعينه لو يشمرهن من فوك لو يروح يغسلهن الك
نصيحة من طبيب اطفال شايف الطواريء اكثر ما شايف بيته بال ١٥ سنة الأخيره اقفلي كلشي
اقفلي الابواب
الدرج خلي حاجز كدامه
وداعا للاناقه و الترتيب
خلي البيت كانما جامع ما بيه شي ممكن يسببله الضرر
الغذاء الرسمي للأطفال في العمر هذا هو الكلينيكس
عادي عادي
سهل الهضم 😂😂
طول ما هو كاعد عوفي التلفون و لا تندمجين بالتلفزيون..لان باللحظة اللي يغيب بيها عن نظرك يسوي بيها البدع .
الفرن بالنسباله حلم العمر!!! امنيته يدخل جوه و ينشوي ويه الاكل
ملاعيبه اللي اشتريتهن اله تلكيهن ما يعجبنه و تعجبه جدا الدرنفيسات مال ابوه
اما المكياج و اقلام الحمر و الكحل كلش زين اذا بس شخبط روحه لان عادي عنده ياكلهن
عادي جدا و جدا عادي يذب الحفاظه و يظل يفرفر بالبيت ربي كما خلقتني و يوصخ البيت و الاثاث كله
و طبعا انت راح تنظفين
و ربي يعينك و يساعدك
ممكن جدا ياكل اي شي خرزه ترجيه محبس صغير و لا تتفاجئين اذا لكيتيها بالحفاظه ويه الخروج اصلا مفاجئه 🤣🤣🤣
ادري هذا شكلك من تقرين البوست مثل الصوره بس هذا الواقع
خلي عينك عليه ٢٤ ساعه / ٧ ايام بالاسبوع / ٣٠ يوم بالشهر على مدى سنه كامله
و كلها ١٠ سنين و يعقل
هانت
د. سيف سمير البياتي
اخصائي طب الاطفال