الله يرحم شهدائنا بالعراق
كل رمضان أو عيد العراق لازم يشوف فاجعه
بس هل كل هذه الفواجع صدفه لو غير شي؟
يعني انقلاب العبارة بالموصل مثلا !
او عدد الشهداء الكبير بمجمع الليث بعد العمليه الإرهابية لان ما بيه اماكن خروج طارئه
او حريق يوم أمس ؟
المشكله بالفرد العراقي هو انه عايشين على مبدأ ( الله الحافظ ) او مبدأ ( سوينا و ما صار شي )
و الا مثلا :
كم شخص من عند القراء عنده طفايه حريق بالبيت ؟
اني منكم
اني هم ما عندي طفايه حريق
كم شخص مخلي حاجز درج و عنده طفل يزحف ؟
كم شخص مدرب ابنه او بنته على السباحه ؟
و كم شخص عنده مثلث تحذيري بصندوق سيارته ؟
كم شخص عنده طفل و عنده كرسي سياره؟
و كم شخص خازن الادويه بمكان امين بعيد عن متناول يد الاطفال؟
و كم شخص خازن النفط بعيدا عن الاطفال ؟
و كم ام امتنعن من الحجله بعد تحذيري و تحذير كل أطباء الاطفال بالدنيا منها لان مضارها اكثر من فوائدها؟
و كم واحد اخذ اللقاح مال كورونا حتى يحمي نفسه و عائلته ؟
الاجوبه اي اكو أشخاص مبتعدين كل البعد عن الضرر و ماخذين كل الاجرائات
بس في يوم من أيام الطواريء كان دخول المستشفى ل 9 أطفال هو بسبب شرب النفط و البانزين !!!
مستشفى وحده بأحد محافظات العراق !!!
و كل كم يوم طفل واكع من الحجله ( الكراجه) و مخيطين راسه لو سنه مكسور
و يوميا 5 إلى 6 حالات تسمم بالحبوب و الادويه !
يوم أمس فقط يحجيلي زميل عن عائله اطفالهم متسممين بالرز البايت اللي ما مخزون جيدا !
احنا بكل خطأ لازم نتعلم شون نتجنب الحادث التالي حتى لا يصير و نخسر ضحايا بهذا الوطن الجريح
الله يرحم شهداء ابن الخطيب
و يرحم شهداء العراق
د. سيف سمير البياتي اخصائي طب الاطفال
كل رمضان أو عيد العراق لازم يشوف فاجعه
بس هل كل هذه الفواجع صدفه لو غير شي؟
يعني انقلاب العبارة بالموصل مثلا !
او عدد الشهداء الكبير بمجمع الليث بعد العمليه الإرهابية لان ما بيه اماكن خروج طارئه
او حريق يوم أمس ؟
المشكله بالفرد العراقي هو انه عايشين على مبدأ ( الله الحافظ ) او مبدأ ( سوينا و ما صار شي )
و الا مثلا :
كم شخص من عند القراء عنده طفايه حريق بالبيت ؟
اني منكم
اني هم ما عندي طفايه حريق
كم شخص مخلي حاجز درج و عنده طفل يزحف ؟
كم شخص مدرب ابنه او بنته على السباحه ؟
و كم شخص عنده مثلث تحذيري بصندوق سيارته ؟
كم شخص عنده طفل و عنده كرسي سياره؟
و كم شخص خازن الادويه بمكان امين بعيد عن متناول يد الاطفال؟
و كم شخص خازن النفط بعيدا عن الاطفال ؟
و كم ام امتنعن من الحجله بعد تحذيري و تحذير كل أطباء الاطفال بالدنيا منها لان مضارها اكثر من فوائدها؟
و كم واحد اخذ اللقاح مال كورونا حتى يحمي نفسه و عائلته ؟
الاجوبه اي اكو أشخاص مبتعدين كل البعد عن الضرر و ماخذين كل الاجرائات
بس في يوم من أيام الطواريء كان دخول المستشفى ل 9 أطفال هو بسبب شرب النفط و البانزين !!!
مستشفى وحده بأحد محافظات العراق !!!
و كل كم يوم طفل واكع من الحجله ( الكراجه) و مخيطين راسه لو سنه مكسور
و يوميا 5 إلى 6 حالات تسمم بالحبوب و الادويه !
يوم أمس فقط يحجيلي زميل عن عائله اطفالهم متسممين بالرز البايت اللي ما مخزون جيدا !
احنا بكل خطأ لازم نتعلم شون نتجنب الحادث التالي حتى لا يصير و نخسر ضحايا بهذا الوطن الجريح
الله يرحم شهداء ابن الخطيب
و يرحم شهداء العراق
د. سيف سمير البياتي اخصائي طب الاطفال