“قابل بس اني اضرب جهالي !! كل الآباء و الامهات يضربون جهالهم ! ” بأحد ايام الصيف اللاهب اب جاب طفله مغمى عليه بعد ما ضربه كف و فقد الوعي الطفل على اثرها الطفل كان ما يستجيب و العين ما تتفاعل مما يدل على نزف دموي دماغي حاد أجريت للطفل اشعه المفراس ليتثبت صحه الشكوك و يبين وجود نزف بالدماغ من بعدها ادخل الطفل للمستشفى و من سألت الاب ليش ضربته: كان الجواب تحفه ادبيه : قابل بس اني اضرب جهالي كل الآباء و الامهات يضربون جهالهم عندها عرفت رغم صغر سني بوقتها انه الحديث ما راح ينفع وياه اي هيجي نبرر أفعالنا باطفالنا دام فلان فعل اذا اني هم افعل كل يوم اشوف أطفال مهملين كل يوم اكو قصه لعذاب طفل اللي تضرب و اللي يضرب و اللي يتشاقه بعنف و اللي هامله طفلها و اللي تجبر طفلها و اللي تسمنه لحد ما الطفل يزيد وزنه و يصعد ضغطه كم حاله شفتها لاطفال واكعين لان ابوهم شامرهم للاعلى و بعدين الطفل اما تاذى بالمروحه او سقط على الأرض و انتهى بكسور و خياط و جروح و كم طفل راحت منه عينه لان اخوها حب يلعب بلعبه المسدس و طفى عين اخته ! و كم طفل صعد عنده الضغط و صار بيه سكر من وره تساهلنا ويه العصير و الحلويات و المشهيات!! و كم طفل شرب بانزين و نفط لان تكاسلنا نروح نخزنهم جيدا اي عادي شنو الجديد!! اب يضرب زوجته كدام أولاده و اب يضرب أولاده و ام تضرب أولادها و نروح و نكمل حياتنا عادي ذوله مو غريبين ذوله نعرفهم اني و انتوا ذوله عايشين بيننا و مكملين حياتهم عادي و ما اعرف اذا اكو طريقه تكوللهم لا كافي لا اذا احد يعرف كيف يكولهم لا خل يعلمنا د. سيف سمير البياتي اخصائي طب الاطفال

“قابل بس اني اضرب جهالي !! كل الآباء و الامهات يضربون جهالهم ! ”
بأحد ايام الصيف اللاهب اب جاب طفله مغمى عليه بعد ما ضربه كف و فقد الوعي الطفل على اثرها
الطفل كان ما يستجيب و العين ما تتفاعل مما يدل على نزف دموي دماغي حاد
أجريت للطفل اشعه المفراس ليتثبت صحه الشكوك و يبين وجود نزف بالدماغ
من بعدها ادخل الطفل للمستشفى و من سألت الاب ليش ضربته:
كان الجواب تحفه ادبيه : قابل بس اني اضرب جهالي كل الآباء و الامهات يضربون جهالهم
عندها عرفت رغم صغر سني بوقتها انه الحديث ما راح ينفع وياه
اي هيجي نبرر أفعالنا باطفالنا
دام فلان فعل اذا اني هم افعل
كل يوم اشوف أطفال مهملين
كل يوم اكو قصه لعذاب طفل
اللي تضرب و اللي يضرب و اللي يتشاقه بعنف و اللي هامله طفلها و اللي تجبر طفلها و اللي تسمنه لحد ما الطفل يزيد وزنه و يصعد ضغطه
كم حاله شفتها لاطفال واكعين لان ابوهم شامرهم للاعلى و بعدين الطفل اما تاذى بالمروحه او سقط على الأرض و انتهى بكسور و خياط و جروح
و كم طفل راحت منه عينه لان اخوها حب يلعب بلعبه المسدس و طفى عين اخته !
و كم طفل صعد عنده الضغط و صار بيه سكر من وره تساهلنا ويه العصير و الحلويات و المشهيات!!
و كم طفل شرب بانزين و نفط لان تكاسلنا نروح نخزنهم جيدا
اي عادي شنو الجديد!!
اب يضرب زوجته كدام أولاده
و اب يضرب أولاده
و ام تضرب أولادها
و نروح و نكمل حياتنا عادي
ذوله مو غريبين ذوله نعرفهم اني و انتوا
ذوله عايشين بيننا
و مكملين حياتهم عادي
و ما اعرف اذا اكو طريقه تكوللهم لا
كافي لا
اذا احد يعرف كيف يكولهم لا خل يعلمنا
د. سيف سمير البياتي اخصائي طب الاطفال

“قابل بس اني اضرب جهالي !! كل الآباء و الامهات يضربون جهالهم ! ” بأحد ايام الصيف اللاهب اب جاب طفله مغمى عليه بعد ما ضربه كف و فقد الوعي الطفل على ا…