أساسيات التربية الايجابيه هي مو موضوع ترك الطفل يسوي اللي يريده و إنما تربيه الطفل حتى يعرف انه لكل تصرف اكو حساب راح يتحاسبه و تخليه هو يحاسب نفسه بنفسه نبدي بالاساسيات: 1. حدد الحدود اللي ما لازم يعبرها الطفل مثال لا ترسم على الحايط غير مسموح ابدا و يجي الطفل و يرسم على الجدار تجي انت شنو المفروض تسوي ؟ بالتربية الايجابية لازم تحذره انه اذا استعملت الاصباغ مره ثانيه راح تاخذهن منه طفلك شنو راح يسوي ؟ راح يصبغ مره ثانيه هنا تاخذ الاصباغ مثل ما كلتله!!! و غير مسموح انه تعيدها اله طفلك راح يصرخ و يعصب اعرف انت هنا تبدي تعاطفك و تكوله اني ادري انه الصبغ على الحايط يعجبك بس هذا التصرف غير مقبول ! لا عياط لا صراخ لا ضرب !! 2. لا تتكلم هوايه بس كون مثال كلنا نحجي و نحجي و نحجي و نعلم في حين كل التعليم لاطفالنا ممكن يختصر لو شافنا طفلنا نسوي التصرف الصح كلنا نحذر و نحذر و نحذر و من يكسر الطفل الحاجز ما نحاسبه في حين لو عرف الطفل انه غير مسموح ابدا بعبور الحدود هذا ما يعني ابدا انه نكون انداد لاطفالنا بالعكس لازم نبين انه احنا معاكم و لكن القانون قانون و غير مسموح ابدا بتجاوزه 3. اعطي الخيارات مثلا يعارض شرب الحليب قبل النوم تنطيه خيار : تشرب بالكوب الأحمر لو الأزرق؟ ما يعجبه ينام تسأله تنام هسه لو بعد ١٠ دقائق؟ الاطفال يحبون انه يسيطرون على خياراتهم و حياتهم و بهذه الطريقه تعطيه الاحترام و الخيار 4. لا اني و لا انت و لا اي احد يقرا هذه الأسطر يحب أن يفرض الاخر شروطه عليه و احنا شايفين تعاملنا ويه اطفالنا لا تكمز ع القنفات لا تلعب بالشارع لا تنام متأخر لا تضرب و هذا ممكن تغييره إلى بيئه اكثر ايجاببه و اريحيه فتصير الجمل السابقه القنفات حتى نكعد عليها ليش ما تكمز على الأرض الجو حار بره ليش ما تجرب تلعب جوه هرمون النمو يفرز ليلا ليش ما تنام من وكت حتى تكبر و ما تبقى صغير – الضرب مؤذي و غير لائق جرب تعبر عن رأيك احسن مما تضرب جمل صغيره تغير كثيرا 5. عمر الصراخ ما كان وسيله صحيحه لتوصيل المعلومه لا تصرخ بس كن واضح و خلي صوتك واضح و جدي مثال طفلك يلعب بالملعقة و انتوا بوقت الغداء و بدا يضرب الصحن بصوت مستفز كل اللي عليك تسحب الملعقة و تكوله بصوت واضح الملعقة هي للأكل مو لإصدار أصوات مزعجه اني اسف راح اسحبها ابدا لا تعصب و لا تتضايق و لا تنزعج و راح توصل الرساله بلطف و للحديث تتمه د. سيف سمير البياتي اخصائي طب الاطفال

أساسيات التربية الايجابيه
هي مو موضوع ترك الطفل يسوي اللي يريده و إنما تربيه الطفل حتى يعرف انه لكل تصرف اكو حساب راح يتحاسبه و تخليه هو يحاسب نفسه بنفسه
نبدي بالاساسيات:
1. حدد الحدود اللي ما لازم يعبرها الطفل
مثال لا ترسم على الحايط غير مسموح ابدا
و يجي الطفل و يرسم على الجدار
تجي انت شنو المفروض تسوي ؟
بالتربية الايجابية لازم تحذره انه اذا استعملت الاصباغ مره ثانيه راح تاخذهن منه
طفلك شنو راح يسوي ؟
راح يصبغ مره ثانيه
هنا تاخذ الاصباغ مثل ما كلتله!!!
و غير مسموح انه تعيدها اله
طفلك راح يصرخ و يعصب
اعرف
انت هنا تبدي تعاطفك و تكوله اني ادري انه الصبغ على الحايط يعجبك بس هذا التصرف غير مقبول !
لا عياط
لا صراخ
لا ضرب !!
2. لا تتكلم هوايه بس كون مثال
كلنا نحجي و نحجي و نحجي و نعلم
في حين كل التعليم لاطفالنا ممكن يختصر لو شافنا طفلنا نسوي التصرف الصح
كلنا نحذر و نحذر و نحذر و من يكسر الطفل الحاجز ما نحاسبه
في حين لو عرف الطفل انه غير مسموح ابدا بعبور الحدود
هذا ما يعني ابدا انه نكون انداد لاطفالنا بالعكس لازم نبين انه احنا معاكم و لكن القانون قانون و غير مسموح ابدا بتجاوزه
3. اعطي الخيارات
مثلا يعارض شرب الحليب قبل النوم
تنطيه خيار :
تشرب بالكوب الأحمر لو الأزرق؟
ما يعجبه ينام تسأله تنام هسه لو بعد ١٠ دقائق؟
الاطفال يحبون انه يسيطرون على خياراتهم و حياتهم
و بهذه الطريقه تعطيه الاحترام و الخيار
4. لا اني و لا انت و لا اي احد يقرا هذه الأسطر يحب أن يفرض الاخر شروطه عليه
و احنا شايفين تعاملنا ويه اطفالنا
لا تكمز ع القنفات
لا تلعب بالشارع
لا تنام متأخر
لا تضرب
و هذا ممكن تغييره إلى بيئه اكثر ايجاببه و اريحيه
فتصير الجمل السابقه
القنفات حتى نكعد عليها ليش ما تكمز على الأرض
الجو حار بره ليش ما تجرب تلعب جوه

هرمون النمو يفرز ليلا ليش ما تنام من وكت حتى تكبر و ما تبقى صغير
– الضرب مؤذي و غير لائق جرب تعبر عن رأيك احسن مما تضرب
جمل صغيره تغير كثيرا
5. عمر الصراخ ما كان وسيله صحيحه لتوصيل المعلومه
لا تصرخ بس كن واضح و خلي صوتك واضح و جدي
مثال
طفلك يلعب بالملعقة و انتوا بوقت الغداء و بدا يضرب الصحن بصوت مستفز
كل اللي عليك تسحب الملعقة و تكوله بصوت واضح
الملعقة هي للأكل مو لإصدار أصوات مزعجه اني اسف راح اسحبها
ابدا لا تعصب و لا تتضايق و لا تنزعج
و راح توصل الرساله بلطف
و للحديث تتمه
د. سيف سمير البياتي اخصائي طب الاطفال

أساسيات التربية الايجابيه هي مو موضوع ترك الطفل يسوي اللي يريده و إنما تربيه الطفل حتى يعرف انه لكل تصرف اكو حساب راح يتحاسبه و تخليه هو يحاسب نفسه بنفسه نبدي ب…