شتوكلين طفلك اللي عمره 5 اشهر ؟
و الله بسكت و شاي !
بسكت و شاي بعز احتياجه للحديد تنطيه اكل خالي من الحديد و لا فوكاها جاي اللي يمنع امتصاص الحديد خاف موجود شويه !
تعالي احجيلك
بعمر 4 الى 6 اشهر تبدي مخازن الحديد اللي اخذها منك تخلص
لذلك بهذا العمر ضروري ننطي حديد او اكلات بيها حديد
شركات الحليب عززت الحديد بالحليب
و هم هذا الحديد مو كلش كافي بعد ال 6 اشهر
لذلك ما بيها شي انه تبدين رز و تخلين وياه قطعة لحم صغيره او رز مع شويه عدس او شوربة خضراوات ورقية مع الرز او الشوفان
و الحنطه دكتور ؟
شبيها الحنطه احسن الخيارات بس لا نبدي بيها
فخلص ناجل البسكت وره ال 6 اشهر
و اذا ابعد احسن لان كله سكريات و مو مفيد
و الشاي؟
الشاي وره ٤ سنين
لان دا ندور الملغرام الواحد من الحديد مو مال نخسره بالشاي
شون ادخل اللحم بالاكل ؟
ابدعي انت
لو اعرف كان كلتلك
د. سيف سمير البياتي اخصائي طب الاطفال
from د. سيف سمير البياتي