أمهاتنا العزيزات
صحيح اكو منكم من يخفف الحليب ؟
تخفيف الحليب لعبة جدا خطره
احنا المي ما ننصح بيه قبل ما يبدي يأكل الطفل اكل صلب و حجينا بالموضوع هوايه
النوب تخفيف؟
الاستمرار بالتخفيف لفتره طويله يؤدي إلى نقص الصوديوم و نقص الصوديوم يؤدي إلى الشمره أو الاختلاجات المؤدية إلى الوفاة
هذا عدا انه الطفل ما يأخذ كفايته من الطاقة اللي بالحليب
بالصوره مقال صغير عن أسباب التخفيف بالعالم فإذا عندك فلوس ليش مخففه؟
لا تخففين إلا بوصفه طبيب
ولو ما أذكر في يوم من الأيام كلت لأم خففي حليب
د. سيف سمير البياتي
اخصائي طب الأطفال
